بۇگىن ۇلتتىق اكادەميالىق كىتاپحاندا “ۇلتتىق الەۋەتتى ارتتىرۋ” قق-نىڭ ۇيىمداستىرۋىمەن استانا قالاسىنداعى ۇلتتىق تاربيە مەن پاتريوتيزم باعىتىندا جۇمىس اتقارىپ جۇرگەن ۇكىمەتتىك ەمەس ۇيىمدار مەن قازاقستان حالقى اسسامبلەياسىنىڭ مۇشەلەرى باس قوسىپ، قر وقۋ-اعارتۋ مينيستىرلىگىنىڭ اعىمداعى وقۋ جىلىنان باستاپ ءبىلىم وردالارىندا قولدانىسقا ەنگىزىلگەن ء“بىرتۇتاس تاربيە” باعدارلاماسىمەن تانىسۋ شاراسى ءوتتى.
جيرمادان استام ۇەۇ مۇشەلەرىنە وسى جوبانىڭ اۆتورلارى - ى.التىنسارين اتىنداعى ۇلتتىق ءبىلىم اكادەمياسىنىڭ ۆيتسە-پرەزيدەنتى رۋسلان ءادىلحانۇلى باستاعان عالىمدارى ء“بىرتۇتاس تاربيە” باعدارلاماسىنىڭ پرەزەنتاتسياسىن
جاسادى.
قوسىمشا سۇراقتار مەن ۇسىنىستارعا اكادەميانىڭ پسيحولوگيا، تاربيە جانە تۇلعانى دامىتۋ ورتالىعىنىڭ ديرەكتورى تانيربەرگەنوۆا انار شىنبولاتقىزى مەن مينيسترلىكتىڭ تاربيە جانە قوسىمشا ءبىلىم بەرۋ دەپارتامەنتىنىڭ باسشىسى مەرۋەرت اسقاربەكقىزى جاۋاپ بەرىپ، ۇەۇ تاراپىنان جاسالعان ۇسىنىستار بويىنشا ويلارىن ورتاعا سالدى.
باعدارلاما قاتىسۋشىلاردىڭ كوكەيىنەن شىعىپ، ونى ارى قاراي ىنتىماقتاسا جۇمىس ىستەۋ جوسپارلارى جايلى دا ۇسىنىستار ايتىلدى.
وسىعان دەيىن ءوز باعىتتارى بويىنشا دەربەس جۇمىس ىستەپ كەلگەن ۇەۇ-دىڭ ء“بىرتۇتاس تاربيە” باعدارلاماسى اياسىندا بىرلەسە جۇمىس اتقارىپ، بۇل باعدارلامانى مەملەكەتتىك باعدارلاما دەڭگەيىنە جەتكىزۋگە دەيىن ىقپالداسا ارەكەت ەتۋ بويىنشا ماسەلە كوتەرىلدى. ويتكەنى، وسى باعىتتا ۇەۇ-دىڭ باسىن قوسىپ، باعىتتاپ وتىراتىن ۇيلەستىرۋشى ورتالىق بولعان ەمەس.
سوندىقتان، جيىن سوڭىندا ء“بىرتۇتاس تاربيە” باعدارلاماسى اياسىندا بىرلەسە جۇمىس اتقارۋ بويىنشا “ۇەۇ-دىڭ كونسيليۋمىن” قۇرۋ جونىندە ۇسىنىسىمىز ءبىر اۋىزدان قولداۋ تاۋىپ، الداعى كۇندەرى كونسيليۋم جيىنىن وتكىزەتىن بولىپ كەلىسىپ تارقاستىق.
بىرلىك بار جەردە تىرلىك بار اعايىندار!
ءوزىمىز ءوز بولعالى مينيسترلىكتىڭ دەڭگەيىندە باستالعان وسىنداي يگى جۇمىستارعا قولداۋ ءبىلدىرۋ، تىلەكشى بولۋ - بارشامىزدىڭ ازاماتتىق بورىشىمىز دەپ ويلايمىن!
