وڭتۇستىك استانادا 24-26 قاراشا ارالىعىندا «Creative Central Asia – 2023» ورتالىق ازيانىڭ كرەاتيۆ يندۋسترياسىنىڭ جىل سايىنعى فورۋمى ءوتتى، دەپ جازدى «ادىرنا» ۇلتتىق پورتالىنىڭ ءتىلشىسى bilimger.kz سايتىنا سىلتەمە جاساپ.
سسا-2023 ديالوگ الاڭى رەسەي، قىرعىزستان، وزبەكستان، تاجىكستان جانە وڭتۇستىك كورەيادان 100 – دەن استام ساراپشى-سپيكەر مەن سالا وكىلدەرىن بىرىكتىردى. فورۋمعا قاتىسۋشىلار ورتالىق ازيا وڭىرىندەگى كرەاتيۆ يندۋستريانى دامىتۋدىڭ نەگىزگى ۇردىستەرى مەن پەرسپەكتيۆالىق جولدارىن تالقىلادى.
تالقىلاۋدىڭ نەگىزگى باعىتتارى كينو، مۋزىكا، ءبىلىم بەرۋ، fashion-يندۋستريا جانە IT-سەكتور سالالارى بولدى. فورۋم اياسىندا مىنا تاقىرىپتار بويىنشا بىرقاتار پانەلدىك سەسسيا ءوتتى: «كرەاتيۆ يندۋستريا جاستارعا ارنالعان الەۋمەتتىك ليفت رەتىندە»، «جايلى قالالىق ورتا جانە كرەاتيۆ لاندشافتى دامىتۋ»، «ايەلدەر كرەاتيۆ كاسىپكەرلىگى»، «قازىرگى الەمدەگى اۋديكونتەنت» جانە ت. ب.
فورۋمنىڭ پانەلدىك سەسسياسىنىڭ سپيكەرى، الماتى قالاسى كاسىپكەرلەر پالاتاسىنىڭ باسقارۋشى ديرەكتورى ناريمان يبراگيموۆ پرەزيدەنت قاسىم-جومارت توقاەۆ ءوزىنىڭ جولداۋىندا كرەاتيۆ يندۋستريا – ەكونوميكا مەن جۇمىسپەن قامتۋ ءوسۋىنىڭ تاعى ءبىر نۇكتەسى دەپ اتاپ وتكەنىن ەسكە سالدى.
«الماتى قالاسى ءۇشىن بۇل باعىت اسا ماڭىزدى. جەرگىلىكتى اتقارۋشى ورگاندار مەن بيزنەس-قوعامداستىقپەن بىرگە ءبىز وسى سالانىڭ اۋقىمدى دامۋى ءۇشىن بارلىق جاعداي جاساۋعا تىرىسامىز. بۇل باعىتتا «اتامەكەن» الماتى كاسىپكەرلەر پالاتاسى جانىنان يننوۆاتسيالار مەن كرەاتيۆ يندۋستريانى دامىتۋ جونىندەگى كەڭەس جۇمىس ىستەيدى، وندا الا وكىلدەرى باعىتتىڭ تۇيتكىلدى ماسەلەلەرىن كوتەرەدى»، – دەدى ناريمان يبراگيموۆ.
فورۋم كۇندەرى كوپتەگەن تاقىرىپتىق ءدارىس، شەبەرلىك ساباقتار، public talk, قولدانبالى ونەر جارمەڭكەسى ءوتتى. Lumiere hall مۋلتيمەديالىق مۇراجايىنىڭ تانىمال الماتى كۋراتورلارىنىڭ قولداۋىمەن جانە قاتىسۋىمەن قازاقستاندىق جانە حالىقارالىق تسيفرلىق سۋرەتشىلەردىڭ يننوۆاتسيالىق جانە ەكسپەريمەنتتىك جۇمىستارىن تانىستىراتىن كورمە-ينستاللياتسيا ۇيىمداستىرىلدى. كورمەدە AI-ART, Digital Fashion, Media Art باعىتتارىنداعى اۆتورلاردىڭ جۇمىستارى ۇسىنىلدى.
الماتى قالاسى كاسىپكەرلىك جانە ينۆەستيتسيالار باسقارماسىنىڭ باسشىسى بەرىك سولتانباەۆ الماتىنىڭ كرەاتيۆ يندۋستريا ورتالىقتارىنىڭ ءبىرى ەكەنىن اتاپ ءوتتى.
«ءبىزدىڭ باستى مىندەتىمىز – كرەاتيۆ كاسىپكەرلەردى جان-جاقتى قولداۋ، قارجىلاي شارالار. بۇرىن بىزدە كرەاتيۆ يندۋستريانى دامىتۋمەن اينالىساتىن العاشقى ۇيىم قۇرىلدى. وسى ۇيىم شەڭبەرىندە بارلىق قاجەتتى قولداۋ شارالارى كورسەتىلەدى. شىن مانىندە، ءوسۋدىڭ نەگىزگى تەجەگىشتەرى ينفراقۇرىلىمنىڭ جەتكىلىكسىز دامۋى بولىپ وتىر. قازىر كاسىپكەرلەرگە نە قاجەت؟ قارجىلاي شارالار قاجەت، ولار ءوز يدەياسىن قورىتا الاتىنداي كەڭىستىكتەر قاجەت. وتكەن جىلى ءبىز بەكىتكەن الماتى قالاسىن دامىتۋ باعدارلاماسىنا ءبىز بارلىق قاجەتتى شارانى ەنگىزدىك»، – دەدى بەرىك سولتانباەۆ.
سپيكەردىڭ ايتۋىنشا، جاقىن ارادا قالادا كەڭىستىكتەردىڭ ءبىرى ىسكە قوسىلادى، ول ماركوۆ كوشەسىندە ورنالاسادى. قازىر جوندەۋ جۇمىستارى جۇرگىزىلۋدە.
«سونداي-اق، ءبىز قالانى دامىتۋ باعدارلاماسى اياسىندا ءىسىن جاڭا باستاعان كاسىپكەرلەرگە گرانتتىق قولداۋ كورسەتەمىز. حالىقارالىق فورۋمدارعا، كورمەلەرگە قاتىسقان كەزدە كرەاتيۆ كاسىپكەرلەردىڭ شىعىندارىنىڭ ءبىر بولىگىن وتەيمىز. وسى شارالاردىڭ بارلىعىن ءبىز وڭىرلىك باعدارلامالارىمىزعا ەنگىزىپ جاتىرمىز. بىزدە الماتىنىڭ «بيزنەس-2025» دامۋ باعدارلاماسى بار، وندا بىزدە قارجىلاي ەمەس جانە قارجىلاي قولداۋدىڭ بارلىق قۇرالى جازىلعان. جىل سوڭىنا دەيىن بارلىق تۇزەتۋلەردى قالالىق ءماسليحات دەڭگەيىندە ەنگىزۋدى جوسپارلاپ وتىرمىز. كەلەسى جىلدان باستاپ وسى شارالارعا جەرگىلىكتى بيۋدجەتتەن اقشا بولىنەتىن بولادى»، – دەدى بەرىك سولتانباەۆ.
ءىس-شارا بارىسىندا بۇۇدب-نىڭ جاستار جانە كرەاتيۆتى يندۋستريالاردىڭ شاعىن ورتا بيزنەس وكىلدەرىمەن ساراپتامالىق تالقىلاۋى وتەدى. فورۋمنىڭ ماڭىزدى وقيعاسى قازاقستاندىق ديزاينەردىڭ fashion musical «Luna Sezim» بولادى.
سسا-2023 فورۋمىنىڭ نەگىزگى ماقساتى-كرەاتيۆتى يندۋستريالاردىڭ ينفراقۇرىلىمىن دامىتۋ، كرەاتيۆتى كاسىپكەرلىك يدەيالارىن ناسيحاتتاۋ، حالىقارالىق ينۆەستيتسيالاردى تارتۋ. فورۋم الماتى قالاسىنىڭ برەندىن ىلگەرىلەتۋگە، شىعارماشىلىق مامانداردى قولداۋعا جانە يننوۆاتسيالىق جانە شىعارماشىلىق سەكتورلاردا جاڭا ونىمدەر جاساۋ ءۇشىن بەيىنارالىق ىنتىماقتاستىقتى دامىتۋعا ىقپال ەتۋگە ارنالعان.
