الماتىلىق سابينا ىدىرىسوۆا رەسپۋبليكالىق «قازاقستان ارۋى — 2023» بايقاۋىنىڭ جەڭىمپازى اتاندى. بويجەتكەنگە 5 ملن تەڭگەنىڭ سەرتيفيكاتى تابىستالدى، دەپ حابارلايدى «ادىرنا» ءتىلشىسى.
بايقاۋ ەكولوگيانى قورعاۋ اياسىندا «بولاشاقتى ايالا» - «زاششيتي بۋدۋششەە» ۇرانىمەن ءوتتى. جەڭىمپازدىڭ ءتاجى مەن قازاقستاننىڭ ءبىرىنشى ارۋى اتاعىن يەلەنۋ ءۇشىن 25 قىز باق سىناستى.
قازىلار القاسىنىڭ قۇرامىندا ايداي يساەۆا، توميريس كاكىموۆا، ەركەبۇلان توقتار، جانيا دجۋرينسكايا، قىرعىز ديزاينەرى ارزۋبەك ۆوناما، انجەلا پەرەسىپكينا جانە مادينا سادۋاقاسوۆا بولدى.
«قازاقستان عالام ارۋى» ءتاجى مەن «الەم ارۋى» بايقاۋىنا جولداما 23 جاستاعى مادينا المۇحانوۆاعا بەرىلسە،
«قازاقستان جەر ارۋى» اتاعى مەن «جەر ارۋى» بايقاۋىنا جولدامانى 20 جاستاعى اياۋلىم اليمحاليەۆا يەلەندى.
بوتاگوز نۇرجىگىتوۆا «قازاقستان ۆيتسە-ارۋى – 2023» اتاندى.
سايتتا داۋىس بەرۋ ارقىلى كورەرمەن كوزايىمى سىيلىعىنىڭ يەگەرى ادەلينا باگۋمباەۆا بولدى.
