قازاقستان-قىتاي شەكاراسىنداعى اۆتوموبيل وتكىزۋ پۋنكتتەرى 2023 جىلعى 16-17جەلتوقساندا جانە 2024 جىلعى 1-2 قاڭتاردا جۇمىس ىستەمەيدى. بۇل تۋرالى مەملەكەتتىك كىرىستەر كوميتەتى ايتتى، دەپ حابارلايدى «ادىرنا» ءتىلشىسى.
«مەملەكەتتىك كىرىستەر كوميتەتى وتكىزۋ پۋنكتتەرىنىڭ الدىندا توپتالۋعا جول بەرمەۋ ماقساتىندا، تاسىمالداۋشىلاردى جانە مەملەكەتتىك شەكارانى كەسىپ وتۋگە نيەت بىلدىرگەن وزگە دە ادامداردى اۋا رايى جاعدايلارىن ەسكەرە وتىرىپ، تاسىمالداۋ مارشرۋتتارىن الدىن الا جوسپارلاۋ جانە وتكىزۋ پۋنكتتەرىنە بروندالعان كۇنى كەلۋ قاجەتتىگى تۋرالى حاباردار ەتەدى.
قازاقستان-قىتاي شەكاراسىنداعى اۆتوموبيل وتكىزۋ پۋنكتتەرى ارقىلى جۇك اۆتوكولىك قۇرالدارىن وتكىزۋ «CarGoRuqsat» (https://cgr.qoldau.kz/ru/start/) اۆتوماتتاندىرىلعان ەلەكتروندىق كەزەك جۇيەسىندە وتكىزۋ كۇنىن برونداۋ ارقىلى جۇزەگە اسىرىلاتىنىن نازارلارىڭىزعا سالامىز»،—دەلىنگەن حابارلامادا.
ايتا كەتەيىك، قازاقستان-قىتاي شەكاراسىنداعى تەمىرجول وتكىزۋ پۋنكتتەرى شتاتتىق رەجيمدە جۇمىسىن جالعاستىرادى.
