چەحيانىڭ پراگا قالاسىندا ورنالاسقان كارلوۆ ۋنيۆەرسيتەتىندە اتىس بولدى، دەپ حابارلايدى «ادىرنا» ءتىلشىسى euronews-كە سىلتەمە جاساپ.
قالالىق پوليتسيا باسقارماسى شابۋىل جاساعان ادامنىڭ ءوز-ءوزىن اتىپ ولتىرگەنىن مالىمدەدى. 15 ادام قازا تاۋىپ، 25-ءى جاراقات الدى. دارىگەرلەردىڭ ايتۋىنشا، 11 ادامنىڭ جاعدايى اۋىر.
«قايعىلى وقيعا فيلوسوفيا فاكۋلتەتىنىڭ ماڭىندا بولدى. وقۋ ورنىنان ادامدار ەۆاكۋاتسيالاندى. قازىر وق جاۋدىرعان ادامنىڭ سىبايلاستارى بار-جوعى تەكسەرىلىپ جاتىر»,—دەلىنگەن حابارلامادا.
چەح الەۋمەتتىك جەلىلەرىندە قىلمىستى جاسادى دەگەن ەر ادامنىڭ سۋرەتى جاريالانىپ جاتىر. ول 24 جاستاعى ستۋدەنت داۆيد كوزاك بولىپ شىققان. ەر ادام الدىمەن عيماراتقا، كەيىن باسقا ستۋدەنتتەر جاسىرىنۋعا تىرىسقان شاتىرعا وق جاۋدىرعان.
ايتا كەتەيىك، ەل بيلىگى وق جاراقاتىنان كوپتەگەن ادامنىڭ قازا تابۋىنا بايلانىستى 23 جەلتوقساندى مەملەكەتتىك قارالى كۇن دەپ جاريالادى. بۇل تۋرالى چەحيانىڭ پرەمەر-ءمينيسترى پەتر فيالا مالىمدەدى.
