نازارباەۆ ۋنيۆەرسيتەتىنىڭ تالاپتارى، امەريكاندىق وقۋ ورىندارىنان شاقىرتۋ الۋ مۇمكۇندىكتەرى، ارماندى ماقساتقا اينالدىرۋ – وسى تاقىرىپتا تالدىقورعان قالاسىنداعى نازارباەۆ زياتكەرلىك مەكتەبىنىڭ تۇلەكتەرى Samgau فورۋمىندا ءسوز قوزعادى.
الما-ماتەر قابىرعاسىندا داستۇرگە اينالعان تۇلەكتەردىڭ فورۋمى ءوتتى، باستى ماقساتى وقۋشىلارعا كاسىپتىك باعدار بەرۋ بولىپ تابىلادى.
تۇلەكتەر مەن وقۋشىلار اراسىنداعى بىرەگەي ديالوگ الاڭى NIS تۇلەكتەر قاۋىمداستىعىنىڭ باستاماسىمەن 100-گە جۋىق قاتىسۋشى جينادى.
زياتكەرلىك مەكتەپتىڭ 10-سىنىپ وقۋشىسى داگمارا ەرتاناتوۆا فورۋم سپيكەرلەرىنىڭ ءبىرى، 2022 جىلدىڭ تۇلەگى الىشەر بەكمۇستافاەۆ سياقتى بولاشاقتا دارىگەر بولۋدى ارماندايدى.
بۇگىندە الىشەر نازارباەۆ ۋنيۆەرسيتەتىنىڭ مەديتسينا مەكتەبىنىڭ ءبىرىنشى كۋرس ستۋدەنتى. ول ءوز سوزىندە قارىم-قاتىناس جاساي ءبىلۋ بولاشاقتىڭ ەڭ ماڭىزدى داعدىلارىنىڭ ءبىرى ەكەنىنە توقتالدى. ويتكەنى، اقپاراتتىق اعىندار قازىرگى ادام ءومىرىنىڭ اجىراماس بولىگى بولىپ تابىلادى. جالپىدان ناقتىعا قاراي ديالوگ قۇرۋ، تايم-اۋت تەحنيكاسىن قولدانۋ جانە اڭگىمەلەسۋشىگە ەمپاتيا جاساۋ باسقا ادامدى دۇرىس ءتۇسىنۋدىڭ نەمەسە سەندىرۋدىڭ كىلتى بولىپ تابىلادى.
2021 جىلدىڭ تۇلەگى ارۋجان ماناربەكقىزىنىڭ ءسوزى وقۋشىلار اراسىندا ەرەكشە قىزىعۋشىلىق تۋدىردى. ارۋجان نيۋ-يورك كينواكادەمياسىنىڭ ستۋدەنتى.
ماماندىق تاڭداۋ – ءار ادامنىڭ ومىرىندەگى ماڭىزدى شەشىم. دەگەنمەن، بىرقاتار سەبەپتەرگە بايلانىستى وقۋشىلارعا دۇرىس شەشىم قابىلداۋ قيىندىققا سوعادى. وسىنداي جاعدايلاردا مەن تۇلەكتەرگە GAP- year الۋعا كەڭەس بەرەمىن. شىعارماشىلىق ماماندىقتاردى تاڭداۋعا قورىقپاڭىزدار. ۆ.ا.سۋحوملينسكي ايتقانداي: «ءاربىر ادامنىڭ ىشىندە ۇيىقتاپ جاتقان قۇس بار، ونى ۇشىرۋ ءۇشىن، ونى وياتۋ كەرەك. بۇل سيقىرلى قۇستىڭ اتى -شىعارماشىلىق!» — دەيدى ارۋجان ءوز سوزىندە.
