ەڭبەك جانە حالىقتى الەۋمەتتىك قورعاۋ ءمينيسترى ەڭ تومەنگى جالاقىنى ەسەپتەۋ بويىنشا ازىرلەنىپ جاتقان جاڭا ادىستەمە تۋرالى سۇراققا جاۋاپ بەردى، دەپ حابارلايدى «ادىرنا» ۇلتتىق پورتالى.
«بۇل ادىستەمە كەلەسى جىلى ازىرلەنەدى. ادىستەمەنىڭ نەگىزگى العىشارتتارى ورتاشا جالاقى مەن ەڭبەك ونىمدىلىگى قولدانىلادى. بۇگىنگە دەيىن بولماعان نارسە. ەڭ تومەنگى جالاقى قازاقستانداعى ەڭبەك ونىمدىلىگىنە جانە ورتاشا جالاقىعا بايلانىستى بولادى»، - دەدى مينيستر.
ول پرەزيدەنت 2024 جىلى ەڭ تومەنگى جالاقىنى 85 مىڭ تەڭگەگە دەيىن كوتەرۋدى تاپسىرعانىن ەسكە سالدى.
«بۇل جۇمىس قازىردىڭ وزىندە اياقتالدى. كەلەسى جىلدان باستاپ ەڭ تومەنگى جالاقى 85 مىڭ بولادى. كەلەسى جىلى جاڭا ادىستەمە ازىرلەنەدى، تالقىلاۋ بولادى»، - دەدى مينيستر.
«ادىرنا» ۇلتتىق پورتالى
