جەتىسۋ وبلىسىنىڭ اقسۋ اۋدانىنداعى ورتالىق اۋرۋحانادا جۇمىس ىستەيتىن 727 قىزمەتكەرگە ۇش ايدان بەرى نە زەينەتاقى، نە الەۋمەتتىك، نە مەديتسينالىق جارنا تولەنبەگەن. مۇنى باس دارىگەردىڭ ءوزى دە مويىنداپ وتىر. بۇل تۋرالى
جەتىسۋ وبلىسىندا 700-دەن اسا دارىگەر جالاقىلارىن الا الماي ءجۇر
14.10.2022
2549
باس دارىگەردىڭ سوزىنشە، وسىنداي امالعا بيۋدجەت جەتىسپەگەنىنەن امالسىز بارعان. ال اۋرۋحانا قىزمەتكەرلەرى ايلىقتىڭ ءوزىن ءبولىپ-جارىپ بەرەدى دەپ اشىنىپ وتىر.
“مىسالى، ايلىعىمىزدىڭ 70%-ىن عانا الىپ جاتىرمىز عوي، ءبىز قىركۇيەك ايىنىكىن الدىق. سونداعى ماۋسىم ايىنان باستاپ زەينەاقى قورىنا جانە وزگە تولەمدەر نەگە تۇسپەدى؟ سونى بىلگىمىز كەلەدى. ول اقشا جالاقىدان ءبولىندى عوي، نەگە تۇسپەي جاتىر ءبىزدىڭ اقشا؟! ايلىعىمىز ءبىزدىڭ 156 مىڭ”، – دەدى اقسۋ اۋداندىق ورتالىق اۋرۋحاناسىنىڭ مەدبيكەسى راۋشان قازيەۆا.
اقسۋ اۋداندىق اۋرۋحاناسىندا قىزمەتكەرلەر ەكىگە بولىنگەن. ءبىرى جاڭادان كەلگەن باس دارىگەردى قولداسا، ەكىنشى تاراپ قارسى. جاڭا باسشىنى قولدامايتىنداردىڭ باسىم بولىگى ورتا، كىشى بۋىنداعى قىزمەتكەرلەر. باستى ماسەلەنى كوتەرىپ وتىرعان دا وسىلار.
“مەندە ەشقانداي وزگەرىس جوق، قوسىلعان ءبىر ستاۆكا، ستاۆكا. تاعى 32% دەپ 2020 دا ايتقان، ساتى بويىنشا 2021, 2022, 2023-تە قوسىلادى. بىراق ەشقانداي وزگەرىس كورىپ وتىرعان جوقپىن”، – دەپ قوستى اقسۋ اۋداندىق ورتالىق اۋرۋحاناسىنىڭ مەدبيكەسى الما سادۋاقاسوۆا.
ال اقسۋ اۋداندىق اۋرۋحاناسىنىڭ باس دارىگەرى 2019 جىلدان بۇگىنگى كۇنگە دەيىن دارىگەر، مەدبيكە، تازالىقشىلاردىڭ ايلىعى قانشاعا وسكەنىن كورسەتىپ بەردى. بەرگەن قۇجاتىندا كورسەتىلگەن ساندارعا سايكەس 2019 جىلى دارىگەردىڭ ايلىعى – 195 مىڭ تەڭگە بولسا، قازىر ولاردىڭ ايلىعى – 443 مىڭ. مەدبيكەلەردىكى 158 مىڭنان 245 مىڭعا دەيىن، ال تازالىقشىلار 52 مىڭنان، 89 مىڭ تەڭگەگە دەيىن ايلىق الادى. ونىڭ ۇستىنە بارلىق مەديتسينا قىزمەتكەرىنە كەزەكشىلىگى ءۇشىن تاعى قاراجات قوسىلادى دەدى. ءتىپتى 700 مىڭ تەڭگەدەن جوعارى ايلىق الاتىن دارىگەرلەر دە بار دەپ جەتكىزدى.
ال اۋرۋحانانىڭ باس دارىگەرى قارجىلىق ماسەلەنىڭ بارىن راستايدى. بىراق جاعدايدى رەتتەۋگە بارىنشا تىرىسىپ جاتقانىن ايتادى.
“بىزدە سوڭعى كەزدە قاردى ماسەلەسى وتە كوپ. ونى اقىرىنداپ شەشىپ جاتىرمىز. ءبىز بارلىق جوعارعى قۇزىرلى ورگاندارعا حات جازىپ، رەتتەپ جاتىرمىز. سوندىقتان قازىر بولىنگەن اقشا زارپلاتا بەرۋگە ارەڭ جەتىپ جاتىر. بۇكىل اۋداندىق اۋرۋحانادا ىستەيتىن قىزمەتكەرلەردە وسى پروبلەما”، – دەپ مالىمدەدى اقسۋ اۋداندىق ورتالىق اۋرۋحانانىڭ باس دارىگەرى سالتانات مىقتىباەۆا.
سونداي-اق اۋرۋحانادا 17 زەينەتكە شىققان دارىگەر جۇمىس ىستەۋدە. ولاردى قىسقارتپاساق تاعى بولمايدى، دەيدى. سەبەبى زەينەت جاسىنا كەلگەن جاندار كومپيۋتەردىڭ پەرنەتاقتاسىن دە جوندەپ باسا المايدى دەيدى باس دارىگەر. ال ايلىقتارى بەرىلىپ، بىراق زەينەتاقى، الەۋمەتتىك، مەديتسينالىق جارناسى تولەنبەگەن قىزمەتكەرلەردىڭ تولەمدەرى ەكى ايدىڭ كولەمىندە شەشىلەدى دەپ سەندىردى.
”ادىرنا” ۇلتتىق پورتالى
Басқалармен бөлісе отырыңыз
پىكىرلەر
