Jetisý oblysynyń Aqsý aýdanyndaǵy ortalyq aýrýhanada jumys isteıtin 727 qyzmetkerge úsh aıdan beri ne zeınetaqy, ne áleýmettik, ne medıınalyq jarna tólenbegen. Muny bas dárigerdiń ózi de moıyndap otyr. Bul týraly
Jetisý oblysynda 700-den asa dáriger jalaqylaryn ala almaı júr
14.10.2022
2553
Bas dárigerdiń sózinshe, osyndaı amalǵa bıýdjet jetispegeninen amalsyz barǵan. Al aýrýhana qyzmetkerleri aılyqtyń ózin bólip-jaryp beredi dep ashynyp otyr.
“Mysaly, aılyǵymyzdyń 70%-yn ǵana alyp jatyrmyz ǵoı, biz qyrkúıek aıynikin aldyq. Sondaǵy maýsym aıynan bastap zeıneaqy qoryna jáne ózge tólemder nege túspedi? Sony bilgimiz keledi. Ol aqsha jalaqydan bólindi ǵoı, nege túspeı jatyr bizdiń aqsha?! Aılyǵymyz bizdiń 156 myń”, – dedi Aqsý aýdandyq ortalyq aýrýhanasynyń medbıkesi Raýshan Qazıeva.
Aqsý aýdandyq aýrýhanasynda qyzmetkerler ekige bólingen. Biri jańadan kelgen bas dárigerdi qoldasa, ekinshi tarap qarsy. Jańa basshyny qoldamaıtyndardyń basym bóligi orta, kishi býyndaǵy qyzmetkerler. Basty máseleni kóterip otyrǵan da osylar.
“Mende eshqandaı ózgeris joq, qosylǵan bir stavka, stavka. Taǵy 32% dep 2020 da aıtqan, saty boıynsha 2021, 2022, 2023-te qosylady. Biraq eshqandaı ózgeris kórip otyrǵan joqpyn”, – dep qosty Aqsý aýdandyq ortalyq aýrýhanasynyń medbıkesi Alma Sadýaqasova.
Al Aqsý aýdandyq aýrýhanasynyń bas dárigeri 2019 jyldan búgingi kúnge deıin dáriger, medbıke, tazalyqshylardyń aılyǵy qanshaǵa óskenin kórsetip berdi. Bergen qujatynda kórsetilgen sandarǵa sáıkes 2019 jyly dárigerdiń aılyǵy – 195 myń teńge bolsa, qazir olardyń aılyǵy – 443 myń. Medbıkelerdiki 158 myńnan 245 myńǵa deıin, al tazalyqshylar 52 myńnan, 89 myń teńgege deıin aılyq alady. Onyń ústine barlyq medıına qyzmetkerine kezekshiligi úshin taǵy qarajat qosylady dedi. Tipti 700 myń teńgeden joǵary aılyq alatyn dárigerler de bar dep jetkizdi.
Al aýrýhananyń bas dárigeri qarjylyq máseleniń baryn rastaıdy. Biraq jaǵdaıdy retteýge barynsha tyrysyp jatqanyn aıtady.
“Bizde sońǵy kezde qardy máselesi óte kóp. Ony aqyryndap sheship jatyrmyz. Biz barlyq joǵarǵy quzyrly organdarǵa hat jazyp, rettep jatyrmyz. Sondyqtan qazir bólingen aqsha zarplata berýge áreń jetip jatyr. Búkil aýdandyq aýrýhanada isteıtin qyzmetkerlerde osy problema”, – dep málimdedi Aqsý aýdandyq ortalyq aýrýhananyń bas dárigeri Saltanat Myqtybaeva.
Sondaı-aq aýrýhanada 17 zeınetke shyqqan dáriger jumys isteýde. Olardy qysqartpasaq taǵy bolmaıdy, deıdi. Sebebi zeınet jasyna kelgen jandar kompıýterdiń pernetaqtasyn de jóndep basa almaıdy deıdi bas dáriger. Al aılyqtary berilip, biraq zeınetaqy, áleýmettik, medıınalyq jarnasy tólenbegen qyzmetkerlerdiń tólemderi eki aıdyń kóleminde sheshiledi dep sendirdi.
”Adyrna” ulttyq portaly
Басқалармен бөлісе отырыңыз
Pikirler
