Jetisý oblysy Kóksý aýyldyq okrýginiń ákimi Álııa Baqtııarova 12 jastaǵy balany kólikpen qaǵyp óltirgen. Oqıǵa ornyna kelgen polıııa qyzmetkerleri jaı ǵana hattama toltyrǵan, kólik aıyppul turaǵyna qoıyldy dep habarlaıdy «Adyrna» ulttyq portaly.
«Onyń ólimine ákim Baqtııarova Álııa Maratqyzy kináli. Ol Eskeldi aýdany Bıǵash aýylynyń mańynda 2-qarasha kúni keshke balany kólikpen qaǵyp ketken. Saldarynan 9 synypta oqıtyn Asyl Tursynbaı apat ornynda qaıtys boldy. Kóliktiń rýlinde Kerbulaq aýdany Kóksý aýyldyq okrýginiń ákimi Álııa Baqtııarova bolǵan», – dedi belgili jýrnalıst, qoǵam belsendisi Sandýǵash Dúısenova.
Al apat ornyna kelgen PD qyzmetkerleri oqýshynyń 12 jasta ekenin anyqtaǵan. Kólik aıyppul turaǵyna qoıylǵan. Ul balany qaǵyp óltirgen áıel ýaqytsha ustaý ızolıatoryna qamalmaǵan. Mezgilsiz qaıtys bolǵan oqýshy demalys kúni jer qoınyna tapsyryldy.
«12 jastaǵy jasóspirim Hyundai Greta kóliginiń dóńgelegine túsip qaıtys boldy. Mashınany 39 jastaǵy áıel basqarǵany anyqtaldy. Atalǵan oqıǵa boıynsha saraptama taǵaıyndalyp, QR QK 345 baby boıynsha sotaldy tergeý bastaldy. Shetel kóligi aıyppul turaǵyna qoıyldy. Kámelettik jasqa tolmaǵan balaǵa qatysty oryn alǵan jol apaty oblystyq polıııa basqarmasynnyń óndirisine alyndy», – dep habarlady Jetisý oblystyq PD baspasóz qyzmeti.
«Adyrna» ulttyq portaly
