جەتىسۋ وبلىسى كوكسۋ اۋىلدىق وكرۋگىنىڭ اكىمى ءاليا باقتياروۆا 12 جاستاعى بالانى كولىكپەن قاعىپ ولتىرگەن. وقيعا ورنىنا كەلگەن پوليتسيا قىزمەتكەرلەرى جاي عانا حاتتاما تولتىرعان، كولىك ايىپپۇل تۇراعىنا قويىلدى دەپ حابارلايدى «ادىرنا» ۇلتتىق پورتالى.
«ونىڭ ولىمىنە اكىم باقتياروۆا ءاليا ماراتقىزى كىنالى. ول ەسكەلدى اۋدانى بيعاش اۋىلىنىڭ ماڭىندا 2-قاراشا كۇنى كەشكە بالانى كولىكپەن قاعىپ كەتكەن. سالدارىنان 9 سىنىپتا وقيتىن اسىل تۇرسىنباي اپات ورنىندا قايتىس بولدى. كولىكتىڭ رۋلىندە كەربۇلاق اۋدانى كوكسۋ اۋىلدىق وكرۋگىنىڭ اكىمى ءاليا باقتياروۆا بولعان»، – دەدى بەلگىلى جۋرناليست، قوعام بەلسەندىسى ساندۋعاش دۇيسەنوۆا.
ال اپات ورنىنا كەلگەن پد قىزمەتكەرلەرى وقۋشىنىڭ 12 جاستا ەكەنىن انىقتاعان. كولىك ايىپپۇل تۇراعىنا قويىلعان. ۇل بالانى قاعىپ ولتىرگەن ايەل ۋاقىتشا ۇستاۋ يزولياتورىنا قامالماعان. مەزگىلسىز قايتىس بولعان وقۋشى دەمالىس كۇنى جەر قوينىنا تاپسىرىلدى.
«12 جاستاعى ءجاسوسپىرىم Hyundai Greta كولىگىنىڭ دوڭگەلەگىنە ءتۇسىپ قايتىس بولدى. ماشينانى 39 جاستاعى ايەل باسقارعانى انىقتالدى. اتالعان وقيعا بويىنشا ساراپتاما تاعايىندالىپ، قر قك 345 بابى بويىنشا سوتالدى تەرگەۋ باستالدى. شەتەل كولىگى ايىپپۇل تۇراعىنا قويىلدى. كامەلەتتىك جاسقا تولماعان بالاعا قاتىستى ورىن العان جول اپاتى وبلىستىق پوليتسيا باسقارماسىننىڭ وندىرىسىنە الىندى»، – دەپ حابارلادى جەتىسۋ وبلىستىق پد ءباسپاسوز قىزمەتى.
«ادىرنا» ۇلتتىق پورتالى
