سىبايلاس جەمقورلىققا قارسى قىزمەت بۇرىنعى ادىلەت ءمينيسترى مارات بەكەتاەۆتى ۇستادى، دەپ حابارلايدى «ادىرنا» ۇلتتىق پورتالى.
ۇلىسمەديا مالىمەتىنشە، ول بۇل قىزمەتتى 2016-2022 جىلدار ارالىعىندا اتقارعان. بەكەتاەۆ قاڭتار وقيعاسىنان كەيىن قىزمەتىنەن كەتتى.
ەستەرىڭىزگە سالا كەتەيىك، بۇگىن انتيكور بۇرىنعى ادىلەت ءمينيسترىنىڭ ۇستالعانىن حابارلادى، بىراق اتى-ءجونىن اتاعان جوق. ۆەدومستۆو قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 201-بابىنىڭ شەگىندە تولىق مالىمەت بەرە المايتىنىن ايتتى.
بەلگىلى دەرەكتەرگە قاراعاندا، ۇستالعان ازامات انىق قاجەتسىز قىزمەتتەردى كورسەتۋگە جىل سايىنعى كەلىسىم-شارتتار جاساسۋ ارقىلى اففيليرلەنگەن كومپانيانىڭ مۇددەسىن قورعاپ، سول ارقىلى مەملەكەتكە اسا ءىرى كولەمدە زيان كەلتىرگەن.
ايتا كەتەيىك، بەكەتاەۆ بىرنەشە جانجالمەن ەستە قالدى. ادىلەت مينيسترلىگىنىڭ بۇرىنعى باسشىسى قاشقىن مۇحتار ءابليازوۆتى قۋدالاۋ ءىسىن قاداعالاعان.
سونداي-اق ونىڭ ۇلتتىق قاۋىپسىزدىك كوميتەتى توراعاسىنىڭ بۇرىنعى ءبىرىنشى ورىنباسارى سامات ابىشپەن (نۇرسۇلتان نازارباەۆتىڭ جيەنى) بايلانىسى تۋرالى اقپارات بار - بەكەتاەۆ ونىڭ جاقىن دوستارىنىڭ ءبىرى ەكەنى ايتىلادى.
بەكەتاەۆتىڭ زاڭسىز اكتيۆتەردى «قايتارۋمەن» اينالىسۋى ءتيىس كونسالتينگتىك كومپانيالاردى قۇرۋعا بەلسەنە قاتىسقانىن دا بىلدىك. باس پروكۋروردىڭ بۇرىنعى ورىنباسارى ۇلان بايجانوۆتىڭ بۇل الاياقتىقتاردى قاداعالاماعاندىقتان قىزمەتىنەن بوساتىلۋىنا ءدال وسى سەبەپ بولعان دەگەن بولجام بار.
ەستەرىڭىزگە سالا كەتەيىك، سامات ءابىش ەكس-پرەزيدەنت نۇرسۇلتان نازارباەۆتىڭ جيەنى. رەسمي دەرەكتەرگە سايكەس، ءابىش 2022 جىلدىڭ 17 قاڭتارىندا ۇلتتىق قاۋىپسىزدىك كوميتەتى باسشىسىنىڭ ورىنباسارى قىزمەتىنەن بوساتىلعان، ول كەزدە بۇكىل باسشىلىق قۇرام تەرگەۋ يزولياتورىندا بولعان. الايدا ابىشكە ول كەزدە ەشقانداي ايىپ تاعىلعان جوق.
«ادىرنا» ۇلتتىق پورتالى
ۇقساس جاڭالىقتار
