Sybailas jemqorlyqqa qarsy qyzmet būrynǧy Ädılet ministrı Marat Beketaevty ūstady, dep habarlaidy «Adyrna» ūlttyq portaly.
Ūlysmedia mälımetınşe, ol būl qyzmettı 2016-2022 jyldar aralyǧynda atqarǧan. Beketaev qaŋtar oqiǧasynan keiın qyzmetınen kettı.
Esterıŋızge sala keteiık, bügın Antikor būrynǧy ädılet ministrınıŋ ūstalǧanyn habarlady, bıraq aty-jönın ataǧan joq. Vedomstvo Qazaqstan Respublikasy Qylmystyq ıs jürgızu kodeksınıŋ 201-babynyŋ şegınde tolyq mälımet bere almaitynyn aitty.
Belgılı derekterge qaraǧanda, ūstalǧan azamat anyq qajetsız qyzmetterdı körsetuge jyl saiynǧy kelısım-şarttar jasasu arqyly affiliirlengen kompaniianyŋ müddesın qorǧap, sol arqyly memleketke asa ırı kölemde ziian keltırgen.
Aita keteiık, Beketaev bırneşe janjalmen este qaldy. Ädılet ministrlıgınıŋ būrynǧy basşysy qaşqyn Mūhtar Äbliazovtı qudalau ısın qadaǧalaǧan.
Sondai-aq onyŋ Ūlttyq qauıpsızdık komitetı töraǧasynyŋ būrynǧy bırınşı orynbasary Samat Äbışpen (Nūrsūltan Nazarbaevtyŋ jienı) bailanysy turaly aqparat bar - Beketaev onyŋ jaqyn dostarynyŋ bırı ekenı aitylady.
Beketaevtyŋ zaŋsyz aktivterdı «qaitarumen» ainalysuy tiıs konsaltingtık kompaniialardy qūruǧa belsene qatysqanyn da bıldık. Bas prokurordyŋ būrynǧy orynbasary Ūlan Baijanovtyŋ būl alaiaqtyqtardy qadaǧalamaǧandyqtan qyzmetınen bosatyluyna däl osy sebep bolǧan degen boljam bar.
Esterıŋızge sala keteiık, Samat Äbış eks-prezident Nūrsūltan Nazarbaevtyŋ jienı. Resmi derekterge säikes, Äbış 2022 jyldyŋ 17 qaŋtarynda Ūlttyq qauıpsızdık komitetı basşysynyŋ orynbasary qyzmetınen bosatylǧan, ol kezde bükıl basşylyq qūram tergeu izoliatorynda bolǧan. Alaida Äbışke ol kezde eşqandai aiyp taǧylǧan joq.
«Adyrna» ūlttyq portaly
Ūqsas jaŋalyqtar
