“Qazaqtelekom" AQ filialy – Servistık fabrikasynyŋ lauazymdy adamdary "ökılettılıgın asyra paidalandy" degen küdıkpen qamauǧa alyndy. Būl turaly Antikor mälımdedı, dep habarlaidy “Adyrna” ūlttyq portaly.
Sybailas jemqorlyqqa qarsy qyzmet "Qazaqtelekom" AQ filialy – servistık fabrikasynyŋ lauazymdy tūlǧalaryna qatysty ökılettıkterdı terıs paidalanu faktısı boiynşa qylmystyq ıstı tergep jatyr.
«Memleket basşysynyŋ tapsyrmasyn oryndau üşın Sybailas jemqorlyqqa qarsy ıs-qimyl agenttıgı zaŋsyz satyp alynǧan aktivterdı qaitaru boiynşa tūraqty negızde jūmys jürgızude. Qabyldanǧan şaralar men tetıkter keşenı qoiylǧan mındetterdı tiımdı ıske asyruǧa jäne zaŋdylyqtyŋ būzyluyna uaqytyly den qoiuǧa mümkındık beredı. Mäselen, Sybailas jemqorlyqqa qarsy qyzmettıŋ Jambyl oblysy boiynşa departamentı ūlttyq kompaniianyŋ jyljymaityn mülık portfelın basqaruǧa jauapty bölımşe bolyp tabylatyn "Qazaqtelekom" AQ filialy – servistık fabrikasynyŋ lauazymdy tūlǧalaryna qatysty ökılettıkterdı terıs paidalanu faktısı boiynşa qylmystyq ıstı tergeude. Filialdyŋ bas direktory men bırqatar qyzmetkerlerı memleket müddesıne qaişy jäne käsıpker üşın paida tabu maqsatynda oǧan Taraz qalasyndaǧy Qoǧamnyŋ äkımşılık ǧimaratyn körıneu tömen baǧamen satqan dep küdıktenedı», – delıngen Antikor habarlamasynda.
Sondai-aq, basşylyqtyŋ zaŋsyz äreketterınıŋ nätijesınde memleketke 450 million teŋgegeden astam somaǧa materialdyq zalal keltırılgen.
Sottyŋ sanksiiasymen küdıktıler qamauǧa alyndy. Tergeu jalǧasyp jatyr.
Ūqsas jaŋalyqtar
