Jetisý oblysynyń polıeıleri áleýmettik jelilerde kóp jyl eńbek quldyǵynda bolǵanyn málimdegen er adamdy izdep tapty, dep habarlaıdy “Adyrna” ulttyq portaly.
22 qarashada áleýmettik jelide 10 jyl Qaratal aýdanyndaǵy sharýa qojalyq ıesiniń quldyǵynda bolǵanyn málimdegen er adamnyń vıdeosy tarady. Polıeıler vıdeonyń avtory Úshtóbe qalasynyń 44 jastaǵy turǵyny ekenin anyqtaǵan
Er adam óziniń jáne otbasy músheleriniń qujattaryn jumys berýshi zańsyz ıemdengenin aıtady.
«Qazir er adamnyń ótinishi resmı túrde tirkeldi. Oǵan qatysy bar barlyq adamdardan túsinikteme alyndy. Iaǵnı sharýa qojalyǵynyń ıesi, onyń qyzmetkerleri, sondaı-aq jábirlenýshiniń týystary. Qujattardy zańsyz alý deregi boıynsha tergeý amaldary bastaldy. Qylmystyq is aıasynda, ótinish berýshiniń eńbekti paıdalanýy týraly keltirgen dálelderi de tekserilip jatyr», – dedi oblys PD bastyǵynyń orynbasary Eldar Ábdikenov.
Polıeılerdiń aıtýynsha, er adam men qyzyna kómek kórsetilgen. Tergeý barysynda olar Taldyqorǵan óńirlik «Áıelderdi qoldaý ortalyǵy» qoǵamdyq birlestiginiń ókilderi usynǵan turǵyn úımen, kıimmen jáne tamaqpen qamtamasyz etilgen.
