«ArselorMıttal Temirtaý» kompanııasy Kostenko atyndaǵy shahtada qaza tapqan kenshilerdiń otbasyna on jyldyq jalaqy tóledi, dep habarlaıdy «Adyrna» ulttyq portaly.
Qaraǵandy oblysynyń ákimi Ermaǵanbet Bólekpaev brıfıngte qaza bolǵandardyń otbasyna kórsetilgen materıaldyq kómek týraly aıtty.
«ArselorMıttal Temirtaý» kompanııasy 41 otbasyǵa 10 jyldyq jalaqy tóledi. Qaza bolǵan shahterlerdiń, olardyń jubaılarynyń, ata-analary men balalarynyń nesıeleri óteldi. Sondaı-aq, kompanııa árbir otbasyna keminde 18 sharshy metr páter satyp alýǵa mindettenedi. Saqtandyrý tólemderi, JOO-da 23 jasqa deıingi balalardyń oqý aqysy qarashada oqý merzimine tólene bastaıdy», - dedi Ermaǵanbet Bólekpaev.
Ákimniń sózinshe, qaza bolǵan kenshilerdiń otbasylaryna memleket tarapynan da qarjylaı qoldaý kórsetilgenin atap ótti. 46 otbasy BJZQ-dan jerleýge arnalǵan bir rettik tólemge qujat alsa, búgingi kúni 42-si tólendi, qalǵandary tólem alyp jatyr.
«Respýblıkalyq bıýdjetten kámeletke tolmaǵan balalary men joǵary oqý oryndarynda oqıtyn balalary bar 20 otbasyna asyraýshysynan aıyrylý jaǵdaıy boıynsha memlekettik áleýmettik járdemaqy taǵaıyndaldy. Sonymen qatar, qaza tapqan kenshilerdiń otbasylaryna basqa da qoldaýlar kórsetiledi», - dedi ákim.
«Adyrna» ulttyq portaly
