2021 jyldyń basynda Qazaqstandaǵy bir qyzmetkerdiń ortasha aılyq ataýly jalaqysy 230 829 teńgeni qurady. Bul týraly Ulttyq statıstıka bıýrosy málim etti, dep habarlaıdy "Adyrna" ulttyq portaly.
Ataýly jalaqy ındeksi 2020 jylǵy jalaqy ındeksi 107,4% -dy, al tıisti toqsanyna 115,2% qurady.
Óńirlik bóliniste eń joǵarǵy ortasha aılyq jalaqy Atyraý oblysynda tirkeldi – 405,8 myń teńge, bul ortasha respýblıkalyq kórsetkishten shamamen 1,7 ese joǵary.
"Salalyq qurylymda eń úlken ataýly jalaqy taý-ken óndirý ónerkásibi jáne karerlerdi qazý – 509,8 myń teńge (ortasha respýblıkalyq deńgeıden 2,2 ese joǵary), qarjy jáne saqtandyrý qyzmetinde – 420,8 myń teńge (1,8 esege asty), kásibı, ǵylymı jáne tehnıkalyq qyzmette – 345,7 myń teńge (1,5 esege asty), aqparat jáne baılanys salasynda – 328,1 myń teńge (1,4 esege sáıkes). Eń tómengi ataýly jalaqy aýyl, orman jáne balyq sharýashylyǵynyń qyzmetkerlerinde – 116,1 myń teńge jáne sýmen jabdyqtaý; qaldyqtardy jınaý, óńdeý jáne joıý, lastanýdy joıý boıynsha -141,8 myń teńge belgilendi", - delindi habarlamada.
Eń az jalaqy Soltústik Qazaqstan oblysynda boldy - 166,7 myń teńgeni qurady. Bul el boıynsha ortasha deńgeıden 27,8%-ǵa tómen.
"Adyrna" ulttyq portaly
(foto tengrinews.kz)
