Almatyda ırı qarjy piramidasynyŋ ūiymdastyruşysy ūstaldy. Būl turaly Almaty polisiia basqarmasy bastyǧynyŋ tergeu jūmysy jönındegı orynbasary Rustam Abdrahmanov mälımdedı, dep jazady Orda.kz.
1982 jyly tuylǧan azamat K. Qylmystyq kodekstıŋ 217-baby, 3-bölıgı, 2-tarmaǧy boiynşa qylmys jasady dep aiyptaluda. Küdıktı ūstalyp, qamauǧa alyndy, – dedı ol özınıŋ Facebook paraqşasynda.Rustam Abdrahmanov bır top azamat Almaty qalalyq polisiia departamentıne qarjylyq piramida qūru jäne basqaru faktısı boiynşa «ASTEX.KZ» JŞS, «ACD technology» JŞS jäne «MUDARABAN Capital» JŞS şeneunıkterıne qatysty ūjymdyq ötınışpen jügıngenın eske tüsırdı.
Sotqa deiıngı tergeu barysynda 2019 jyldyŋ aqpanynan bastap 2021 jyldyŋ qaŋtaryna deiıngı aralyqta atalǧan JŞS lauazymdy tūlǧalary jeke jäne zaŋdy tūlǧalarmen memlekettık satyp aluǧa qatysuǧa talap etılgen qarajatty tartu maqsatynda bırlesken qyzmet turaly kelısımşarttar jasaǧany anyqtaldy. Ekıjaqty qūjatqa säikes firmalar ai saiyn är salymşyǧa salynǧan jarna somasynyŋ 20% tölep otyruy kerek edı, – dedı bölım basşysynyŋ orynbasary.Sonymen qatar, 160 salymşynyŋ «ASTEX.KZ» JŞS-de şamamen 1 mlrd teŋge kölemındegı qarajat onyŋ «MUDARABAN CAPITAL» JŞS agenttık kompaniiasy arqyly kelgenı anyqtaldy. Polisiia qyzmetkerlerı ol «ASTEX.KZ» JŞS men «ACD technology» JŞS siiaqty basqa kompaniialar qūryp, solar arqyly salymşylardan aqşa tartqan deidı. Abdrahmanov atap ötkendei, 1974 jyly tuylǧan azamat M. qarjy piramidasyn qūrdy jäne basqardy dep küdıktelude.
Ony ūstau üşın jedel-tergeu ıs-şaralar keşenı jürgızılude. Sot joǧaryda atalǧan JŞS-nıŋ zaŋdy meken-jailary boiynşa ızdestıru ıs-şaralaryn jürgızu turaly şeşımderge sanksiia berdı. Sotqa deiıngı tergeu Almaty qalasy polisiia departamentınıŋ Tergeu basqarmasynyŋ tergeuşılerıne tapsyryldy, – dep qosty Abdrahmanov.Būǧan deiın Almaty polisiiasy «ASTEX» investisiialyq kompaniiasynyŋ jetekşısı Almaz Qūrmanǧalievtı ızdep jatqandyǧy habarlanǧan. Kompaniia tenderlerde aqşany «ainaldyrudy», al onyŋ ornyna ai saiyn joǧary paiyzdar töleudı ūsyndy. Jäbırlenuşıler būl kompaniiany prodiuser Baian Alagözova jarnamalaǧandyqtan, investisiia salyp, artynan aldanyp qalǧanyn aitty.