بۋداپەشتە بالالار اراسىنداعى كلاسسيكالىق مۋزىكا باسەكەسى – Virtuosos V4+ تەلەۆيزيالىق شوۋىنىڭ فينالى ءوتتى، دەپ حابارلايدى “ادىرنا” ۇلتتىق پورتالى.
قازاقستاندىق جاس ءانشى ديماش قۇدايبەرگەن مەن يسپانيالىق وپەرا ءانشىسى پلاسيدو دومينگو كونكۋرستان سوڭ دۋەت بولىپ ونەر كورسەتتى. دۋەت جورج بيزەنىڭ 1863 جىلعى «The pearl Fishers» وپەراسىن ورىندادى.
ء“ومىر بويى ويىمدا جۇرگەن، بالا كەزىمنەن ءبىر ارمانىم بار ەدى. ول – پلاسيدو دومينگومەن كەزدەسۋ، ونىمەن بىرگە جۇمىس ىستەۋ بولاتىن. مەن وعان بىلاي دەپ ايتتىم: «مەنىڭ مۋزىكاعا كەلۋىمە ءسىز سەبەپكەر بولدىڭىز». 5 جاسار كەزىمدە مەندە ونىڭ كونتسەرتى جازىلعان VHC (ۆيدەوكاسسەتا) بولعان. سول كەزدەن بەرى ەكەۋىمىزدىڭ كەزدەسەتىنىمىزگە سەنىپ كەلدىم. مىنە، بۋداپەشتە مەنىڭ سول ارمانىم ورىندالدى. سول ءۇشىن بۋداپەشتى جاقسى كورەمىن»، - دەدى د. قۇدايبەرگەن Virtuosos talent_show جوباسىنا بەرگەن سۇحباتىندا.
جوبا بارىسىندا وپەرا ءانشىسى حالىقارالىق قازىلار القاسىنىڭ توراعاسى. ال وتانداسىمىز ديماش قۇدايبەرگەن العاش رەت تورەشىلەر قۇرامىندا.
ايتا كەتەيىك، وپەرا ورىنداۋشىسى پلاسيدو دومينگو 21 قاڭتاردا 83 جاسقا، ال جاس ءانشى ديماش قۇدايبەرگەن مامىر ايىندا 30 جاسقا تولادى.
ەستەرىڭىزدە بولسا، پلاسيدو دومينگو ديماشتىڭ تالانتىنا تاڭدانىسىن جاسىرمادى. ءتىپتى وپەرا ءانشىسى ديماش قۇدايبەرگەنگە دۋەت شىرقاۋعا ۇسىنىس بىلدىرگەن بولاتىن.
“ادىرنا” ۇلتتىق پورتالى
