قاراعاندىدا نازارباەۆ مەكتەبىن بىتىرەتىن قىز بالا الەمدەگى ەڭ وزىق دەگەن 6 ۋنيۆەرسيتەتتىڭ گرانتىن ۇتىپ الدى. ەندى ءوزى قالاعان وقۋ ورنىنا تۇسپەك. تاماشا جەتىستىك! سەنساتسيا عوي، ءا.
بىراق سول بالا ورىس ءتىلىنىڭ ءوزىن اعىلشىن مانەرىمەن سويلەيدى. قازاق ءتىلىن بىلمەيدى. الدىڭعى جىلى دا نازارباەۆ مەكتەبىنىڭ وسىنداي ءبىر تۇلەگى (ول دا قىز بالا) شەتەلدەگى ەكى ۋنيۆەرسيتەتتىڭ گرانتىن ۇتىپ الىپ، گارۆاردقا تۇسكەن. نازارباەۆ مەكتەبىنە ءبىر باسقارماعا جەتەتىن قارجى بولىنەتىن شىعار. ءتىپتى وزگە مەكتەپتەردىڭ بيۋدجەتىن سالىستىرۋعا دا كەلمەيدى. الايدا، سول مەكتەپتى بىتىرگەن، قازاق ءتىلىن بىلمەيتىن وتە ءبىلىمدى بالالاردىڭ كوپشىلىگى جىلدا سولاي شەتەلگە كەتىپ جاتىر.
انا ءتىلىن بىلمەگەن بالا وزگە ەلدىڭ مادەنيەتىن سىڭىرەدى. وزگە ەلدىڭ مادەنيەتىن سىڭىرگەن، تۋعان جۇرتىنا جات بالا شەتەلگە كەتكەن سوڭ ەلگە كەلە مە؟ كەلگەن كۇننىڭ وزىندە قازاقىلىققا بەت بۇرىپ بارا جاتقان قوعامعا سىڭە الا ما؟ وزبەكستان قىزمەتكە شەتەلدەن ماماندار الدىرىپ، جۇمىس ىستەتىپ جاتىر. ءبىز ءوز التىندارىمىزدى دالاعا شاشىپ جاتىرمىز. بولاشاقپەن بىتىرگەندەردىڭ 1%-عانا ەلدە قىزمەتتە، 99%-شەتەلدە دەگەن ستاتيستيكا الەۋم. جەلىدە شارلاپ ءجۇر. سوندا ءبىز كىمدى وقىتىپ جاتىرمىز؟ بەيبارستار مەن ءال-فارابيلەردىڭ ءبارى شەتەلگە كەتىپ جاتقان جوق پا؟ ولار ەكى ەلگە قىزمەت ىستەي الا ما؟ بۇل دا ءبىر قازاق ەلىنىڭ وسى عاسىرداعى قولدان جاساعان قاسىرەتى عوي.
جاڭابەك نار
"ادىرنا" ۇلتتىق پورتالى
