Qaraǧandyda Nazarbaev mektebın bıtıretın qyz bala älemdegı eŋ ozyq degen 6 universitettıŋ grantyn ūtyp aldy. Endı özı qalaǧan oqu ornyna tüspek. Tamaşa jetıstık! Sensasiia ǧoi, ä.
Bıraq sol bala orys tılınıŋ özın aǧylşyn mänerımen söileidı. Qazaq tılın bılmeidı. Aldyŋǧy jyly da Nazarbaev mektebınıŋ osyndai bır tülegı (ol da qyz bala) şeteldegı ekı universitettıŋ grantyn ūtyp alyp, Garvardqa tüsken. Nazarbaev mektebıne bır basqarmaǧa jetetın qarjy bölınetın şyǧar. Tıptı özge mektepterdıŋ biudjetın salystyruǧa da kelmeidı. Alaida, sol mekteptı bıtırgen, qazaq tılın bılmeitın öte bılımdı balalardyŋ köpşılıgı jylda solai şetelge ketıp jatyr.
Ana tılın bılmegen bala özge eldıŋ mädenietın sıŋıredı. Özge eldıŋ mädenietın sıŋırgen, tuǧan jūrtyna jat bala şetelge ketken soŋ elge kele me? Kelgen künnıŋ özınde qazaqylyqqa bet būryp bara jatqan qoǧamǧa sıŋe ala ma? Özbekstan qyzmetke şetelden mamandar aldyryp, jūmys ıstetıp jatyr. Bız öz altyndarymyzdy dalaǧa şaşyp jatyrmyz. Bolaşaqpen bıtırgenderdıŋ 1%-ǧana elde qyzmette, 99%-şetelde degen statistika äleum. jelıde şarlap jür. Sonda bız kımdı oqytyp jatyrmyz? Beibarstar men Äl-Farabilerdıŋ bärı şetelge ketıp jatqan joq pa? Olar ekı elge qyzmet ıstei ala ma? Būl da bır Qazaq elınıŋ osy ǧasyrdaǧy qoldan jasaǧan qasıretı ǧoi.
Jaŋabek Nar
"Adyrna" ūlttyq portaly
