رەسەي پرەزيدەنتى ۆلاديمير پۋتين سولتۇستىك كورەيا مەملەكەتىنىڭ باسشىسى كيم چەن ىنعا رەسەيلىك كولىك سىيلادى، دەپ حابارلايدى "ادىرنا" ۇلتتىق پورتالى كورەيانىڭ ورتالىق اقپارات اگەنتتىگىنە (KCNA) سىلتەپ.
سىيلانعان كولىكتىڭ ماركاسى مەن ۇلگىسى اتالمادى.
KCNA حابارلاعانداي، كيم چەن ىننىڭ سىيلىعىن 18 اقپان كۇنى كورەيانىڭ جۇمىسشىلار پارتياسى (كجپ) ورتالىق كوميتەتى ءبولىم مەڭگەرۋشىسىنىڭ ورىنباسارى، اپكەسى كيم يو چجون مەن ۇيىمنىڭ حاتشىسى پاك چون چحون قابىلداپ العان. كيم يو چجون "بۇل سىيلىق ەكى ەلدىڭ كوشباسشىلارى اراسىندا قالىپتاسقان ەرەكشە دوستىق قارىم-قاتىناستىڭ ايقىن دالەلى» جانە «ەڭ جاقسى سىيلىق» ەكەنىن اتاپ ءوتتى. ول پۋتينگە العىسىن ءبىلدىردى.
رەسەي باسشىسى 2023 جىلى قىركۇيەكتە كيم چەن ىنعا «شىعىس» عارىش ايلاعىنا كەلگەن كەزدە Aurus كولىگىن كورسەتتى. پۋتين كەزدەسۋ ورنىنا ءدال وسى كولىكپەن كەلدى. كيم چەن ىن ارتقى جولاۋشى ورىندىعىنا وتىرىپ كولىكتى الدىمەن سىرتىنان، سوسىن ىشىنەن ءجىتى تەكسەردى. بۇل رەتتە پۋتين ارىپتەسىنە كولىكتىڭ سيپاتتامالارى تۋرالى ايتىپ بەردى.
كيم چەن ىن "مايباح" ءليمۋزينىن ءجيى پايدالانادى.
