تۇركىستان وبلىسى، سارىاعاش اۋدانىندا ءدىني ءبىلىم الماق بولعان 19 بالا 39 جاستاعى مولدانىڭ تەپكىسىنە ءۇش اي بويى ءتوزىپ كەلگەن، دەپ حابارلايدى "ادىرنا" ۇلتتىق پورتالى. بۇل تۋرالى بەلسەندى جان احماديەۆ جەلىدەگى جازباسىندا جازدى.
جازباعا سۇيەنسەك، اتا-انالار وسى ءۇشىن مولداعا 20 مىڭ تەڭگە قاراجات تولەپ كەلگەن.
"سارىاعاش قالاسىنىڭ 39 جاسار تۇرعىنى 19 بالاعا ءدىني اعىمدا ساباقتار وتكىزگەن. ول وقۋ بارىسىندا، سۇرە جاتتاماعان جاسوسپىرىمدەردى اياماي سوققىعا جىعىپتى. ءبىر قىزىعى، وسىنداي ساباق ءۇشىن وقۋشىلاردىڭ اتا-انالارى “جاۋىز-ۇستازعا” 20 000 تەڭگە بەرگەن ەكەن" دەپ جازدى "جان احماديەۆ.
ۆيدەودا بالالار ءۇش اي بويى تاياق جەگەندەرىن ايتىپ، دەنەلەرىندەگى جاراقاتتارىن كورسەتەدى. بۇل قىلىعىنا مولدا:
"اشۋلانعان كەزدە سوققىلار كەتىپ قالاتىن. شىبىقپەن ۇراتىنمىن" دەپ جاۋاپ بەردى.
پوسموترەت ەتۋ پۋبليكاتسيۋ ۆ Instagram
