مەملەكەت باسشىسى ق.توقاەۆ قازاقستان حالقىنا جولداۋىندا قىلمىستىق جانە قىلمىستىق-ءىس جۇرگىزۋ كودەكستەرىنە رەۆيزيا جۇرگىزۋدى جانە ءىس جۇزىندە جۇمىس ىستەمەيتىن نەمەسە سوت تورەلىگىنە كەدەرگى كەلتىرەتىن بارلىق نارسەلەردەن ارىلۋدى تاپسىرعان بولاتىن، سونداي-اق قىلمىستىق جانە قىلمىستىق ءىس جۇرگىزۋ زاڭناماسىنىڭ تۇراقتىلىعىن قامتاماسىز ەتۋدىڭ ماڭىزدىلىعىن اتاپ ءوتتى. اتاپ ايتقاندا، قىلمىستىق جانە قىلمىستىق ءىس جۇرگىزۋ كودەكستەرىن تەكسەرۋ، ونىڭ ىشىندە بيزنەس ىستەرىنە ءوز بەتىنشە ارالاسۋ فاكتىلەرىنە جانە لاۋازىمدىق وكىلەتتىكتەردى تەرىس پايدالانۋدىڭ وزگە دە تۇرلەرىنە جول بەرمەۋگە باعىتتالدى.
كاسىپكەرلەردىڭ كوپشىلىگى، بيزنەستى جۇرگىزۋ كەزىندە ورىن العان تاۋەكەلدەر تۋرالى دالەلدى دالەلدەرىنە قاراماستان، ەكونوميكالىق جانە سالىقتىق قىلمىستىق قۇرام بويىنشا نەگىزسىز كىنالى دەپ تانىلادى.
وسى ورايدا بقو-دا كاسىپكەرگە زاڭسىز تالاپتار قويعان لاۋازىمدى تۇلعا جاۋاپقا تارتىلدى. بقو بويىنشا سىبايلاس جەمقورلىققا قارسى قىزمەت باسشىسىنىڭ ءبىرىنشى ورىنباسارى مۇراتبەك قاسىموۆتىڭ ايتۋىنشا، دەپارتامەنتكە «اتامەكەن» وڭىرلىك كاسىپكەرلەر پالاتاسى ارقىلى «تەرەكتى اۋدانىنىڭ جۇمىسپەن قامتۋ جانە الەۋمەتتىك باعدارلامالار ءبولىمى» مم شەنەۋنىگىنىڭ زاڭسىز ارەكەتتەرىنە كاسىپكەرلەر جۇگىنگەن. قابىلدانعان شارالاردىڭ ناتيجەسىندە كاسىپكەرلەرگە كەدەرگى كەلتىرگەن شەنەۋنىك تارتىپتىك جاۋاپكەرشىلىككە تارتىلدى.
تەرەكتى اۋدانىنىڭ جۇمىسپەن قامتۋ جانە الەۋمەتتىك باعدارلامالار ءبولىمى تاراپىنان كاسىپكەرلەرگە اقپاراتتىق تابلونى ساۋدا ءۇي-جايىنىڭ سىرتىنا ورنالاستىرۋ جونىندە نەگىزسىز تالاپتار قويىلعانى انىقتالدى. اتالعان تابلونى كاسىپكەرلەر ساۋدا ءۇي-جايىنىڭ سىرتىنا ورناتقان. ونى ورناتۋ سىرتقى جارناما ءۇشىن سالىق تولەمدەرىن كەيىننەن تولەۋدى كوزدەيدى. بۇل رەتتە، ساۋلەت، قالا قۇرىلىسى جانە قۇرىلىس سالاسىنداعى مەملەكەتتىك نورماتيۆتەر جونىندەگى قاعيدالارعا سايكەس تالاپتار ساۋدا ءۇي-جايىنىڭ ىشكى رەسىمدەلۋىنە عانا قولدانىلادى. بقو بويىنشا سىبايلاس جەمقورلىققا قارسى قىزمەتتىڭ ۇسىنىسىمەن انىقتالعان كەمشىلىكتەر جويىلىپ، كاسىپكەرلەردىڭ قۇقىقتارى قورعالدى.
سونىمەن قاتار، سىبايلاس جەمقورلىق تاۋەكەلدەرىنىڭ كارتاسىن، «بيزنەسكە جول»، «سىبايلاس جەمقورلىققا قارسى ۆولونتەرلىك» جوبالارىن ىسكە اسىرۋ، اۋدانداردا الەۋمەتتىك ينفراقۇرىلىم وبەكتىلەرىن سالۋ كەزىندە سىبايلاس جەمقورلىق تاۋەكەلدەرىنە ىقپال ەتەتىن سەبەپتەر مەن جاعدايلاردىڭ تۋىنداۋىنىڭ الدىن الۋ ماسەلەلەرى قارالدى.
وسى ورايدا بقو-دا سىبايلاس جەمقورلىققا قارسى ءموبيلدى توپ تەگىن زاڭ كومەگىن كورسەتۋ بويىنشا جۇمىستى جالعاستىرۋدا. ازاماتتاردىڭ سۇراقتارىنىڭ باسىم كوپشىلىگى تۇرعىن ءۇي الۋعا، جەر قاتىناستارىنا، جەڭىلدەتىلگەن نەسيە الۋعا، قورشاعان ورتانى قورعاۋعا، جاستاردى جۇمىسقا ورنالاستىرۋعا جانە كەيبىر شەنەۋنىكتەردىڭ، سونىڭ ىشىندە اۋىلدىق جانە اۋداندىق دەڭگەيدەگى اكىمدەردىڭ تۇرعىندارىنىڭ وتىنىشتەرىنە ارەكەتسىزدىگىنە قاتىستى تۋىنداپ وتىر. ازاماتتاردىڭ ماسەلەلەرىن بقو بويىنشا سىبايلاس جەمقورلىققا قارسى قىزمەت باسشىلىعى باقىلاۋعا الدى.
ەگەر سىزگە سىبايلاس جەمقورلىق فاكتىلەرى تۋرالى بەلگىلى بولسا، وندا ءسىز تاۋلىك بويى جۇمىس ىستەيتىن سىبايلاس جەمقورلىققا قارسى قىزمەتتىڭ 1424 Call-ورتالىعىنا حابارلاسا الاتىنىڭىزدى ەسىڭىزگە سالامىز.
كاۋسار بايعاليەۆا
