بيىل قازاقستان ارمياسىنىڭ قۇرىلعانىنا 32 جىل تولىپ وتىر.
تاۋەلسىز قازاقستاننىڭ قورعانى بولعان قارۋلى كۇشتەرى قۇرىلعالى شەكارا شەگەندەلىپ، ەلدىڭ تۇتاستىعى ارتا ءتۇستى. 30 جىلدان استام ۋاقىت ءبىر عاسىرعا جۋىق ۋاقىتپەن تەڭ دەۋگە دە بولادى.
سەبەبى تاۋەلسىزدىگىن ەندى الىپ، ءوز الدىنا "مەملەكەت" بولعان قازاقستاندا جاڭادان مينيسترلىكتەر قۇرىلىپ، ەلدىڭ قورعانىس دوكتريناسى قابىلدانىپ، ءتۇرلى قۇرىلىمدىق جۇيەلەردى قۇرىپ، ءارى ساپ تۇزەگەن اسكەردى زامانۋي قارۋ-جاراقپەن قامتاماسىز ەتۋ وڭاي ەمەس. ودان بولەك ارمياداعى الەۋمەتتىك جانە قارجىلىق جاعدايىن شەشۋ دە ءوز الدىنا ۇلكەن جۇمىس.
مەملەكەتتەگى قورعانىس دەڭگەيىنىڭ جوعارى بولۋى ءۇشىن ءتۇرلى شارالار كەشەنى تولىق جۇرگىزىلىپ، تەك سول ارقىلى عانا قالىپتاسادى.
وسىدان 32 جىل بۇرىن قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ 7 مامىرىنداعى «قازاقستان رەسپۋبليكاسىنىڭ قارۋلى كۇشتەرىن قۇرۋ تۋرالى» جارلىعىنا ساي قارۋلى كۇشتەر ساپ تۇزەدى.
تۇڭعىش پرەزيدەنتتەن سوڭ قازاقستان رەسپۋبليكاسىنىڭ قارۋلى كۇشتەردىڭ جوعارعى قولباسشىسى بولىپ قاسىم-جومارت توقاەۆ بەكىتىلدى.
پرەزيدەنت قورعانىس مينيسترلىگىنىڭ باسشىلىعىمەن كەزەكتى كەزدەسۋىندە ەلدەگى ساربازداردىڭ جاۋىنگەرلىك قابىلەتىن تۇبەگەيلى ارتتىرۋدى تالاپ ەتكەن بولاتىن. سەبەبى قازىردە قوعامدا تۋىنداپ وتىرعان گەوساياسي جاعدايمەن قوسا وڭىرلىك دەڭگەيدەگى اعىمداعى قاۋىپتەردى ەسكەرە وتىرىپ تولاسسىز. ونى ەشكىم دە الدىن الا بولجاپ بىلە المايدى. وسى ءۇشىن دە قازاقستان قارۋلى كۇشتەرىنىڭ جاۋىنگەرلىك قابىلەتىن تۇبەگەيلى ارتتىرۋى تالاپ ەتىلىپ كەلەدى.
ەلىمىزدىڭ جوعارعى باس قولباسشىسىنىڭ ايتۋىنشا، مەملەكەت باسىندا وتىرعاندار حالىققا سىرتقى جانە ىشكى قاۋىپتەر تۋرالى ءدال ۋاقىتىندا سەنىمدى اقپاراتپەن ءبولىسىپ، حابارلاندىرىپ وتىرۋى كەرەك. وسى ارقىلى اسكەري بارلاۋدى دا كۇشەيتۋ قاجەت. توقاەۆ جارلىعىنا سايكەس قارۋلى كۇشتەرگە ارنايى ەرەكشە ميسسيا دا جۇكتەلگەن.
ەڭ وكىنىشتىسى ەلىمىزدە بىرنەشە جىل بۇرىن وق-ءدارى قويمالارىندا جارىلىس بولىپ، ءبىراز ادام زارداپ شەككەن بولاتىن. مەملەكەت باسشىسى دا مۇنداي توتەنشە جاعدايلاردىڭ قايتالانۋىنا جول بەرمەۋ كەرەكتىگىن مىقتاپ ەسكەرتتى. سونىمەن قاتار، قازاقستان اسكەرىنىڭ تەحنيكالىق جانە جاۋىنگەرلىك تەحنيكاسىن جاڭارتۋ مىندەتى جوسپاردىڭ العاشقى بولىگىندە تۇر. پرەزيدەنت ءوز سوزىندە:
“اسكەرلەردە كەڭەستىك كەزەڭنەن قالعان قارۋ-جاراق پەن وق-دارىلەردىڭ 30-50 جىل بۇرىنعى ۇلەسى ءالى دە بار. ەسكىرگەن تەحنيكانىڭ قىزمەت ەتۋ مەرزىمىنە جەتۋ قارقىنىن ەسكەرىپ، قارۋ-جاراق پاركىن تولىقتىرۋ بويىنشا شۇعىل شارالار قابىلداۋىمىز ءتيىس", - دەدى پرەزيدەنت - جوعارعى باس قولباسشى.
قاسىم-جومارت كەمەلۇلى توقاەۆ شەپتە بوي تۇزەگەن ساربازدارمەن كەزدەسۋدە جاۋىنگەرلەرگە قۋات بەرى، رۋحتاندىردى. ءوز سوزىندە پرەزيدەنت اسكەريلەردىڭ موينىنا جۇكتەلگەن مىندەتتىڭ اۋىر دا جاۋاپكەرشىلىككە تولى ەكەنىن ەسكە سالدى.
"وتان قورعاۋدان ارتىق مىندەت جوق! ارميا – مەملەكەتتىڭ بەرىك قورعانى. بۇگىنگى اسكەر – بايراقتى باتىر بابالاردىڭ ۇرپاعى! وسىنى ەشقاشان ۇمىتپاعان ءجون", - دەدى پرەزيدەنت.
قازاقستان - ۇلان-بايتاق جەردىڭ يەسى. قانشاما كم جەردى قورعاۋ ءۇشىن دايىندىق تا وتە جوعارى بولۋى ءتيىس. سەبەبى قازاقستان ءۇشىن تەك ءوز ەلىنىڭ، حالقىنىڭ عانا تىنىشتىعى ەمەس، تۇتاس الەمنىڭ بەيبىتشىلىگى ماڭىزدى. تۇتاستىق پەن بىرلىكتىڭ سيمۆولىنا اينالعان قازاقستاندى قورعاۋ قارۋلى كۇشتەرگە مىندەتتەلگەن جاۋاپكەرشىلىگى مول مىندەت.
