جۋرناليست قىمبات دوسجان شەتەلدەن كەلگەن جانىبەككە قاتىستى جازبا جاريالادى، دەپ حابارلايدى “ادىرنا” ءتىلشىسى.
قىمبات دوسجان Instagram جەلىسىندەگى پاراقشاسىندا جازبا جاريالاپ، جانىبەككە قاتىستى جالعان اقپارا تاراتپاۋدى سۇرادى.
“سوڭعى كۇندەرى جانىبەككە قاتىستى تەرىس اقپارات قاپتاپ كەتتى، انىعىن ءوزىم ايتايىن.
بىرىنشىدەن، اناسى ءالى تابىلمادى (ازىرگە دەيىك), اكەسى جايلى دا ەشقانداي اقپارات جوق. بولجامدى اكەسى دەپ جۇرتتى دۇرلىكتىرگەن ەر اداممەن ءبىز 5 قاڭتاردا سويلەسىپ، زەرتتەپ، اكەسى ەمەس ەكەنىن بىردەن تۇسىندىك. باسقا تەلەارناعا بارىپ، تەست تاپسىرىپ، ەفيرگە قاتىسىپ جۇرگەنى بىزگە تۇسىنىكسىز، وزىنە ايان بولار.“بارمىسىڭ، باۋىرىم؟”رەداكتسياسى جۋرناليستىك زەرتتەۋ جۇمىسىن تولىق اتقارىپ شىقتى. قۇجات بەرمەي، اتى-ءجونىن وتىرىك ايتىپ، قولحات جازىپ، جانىبەك دەگەن ۇلىن تاستاپ كەتكەن ايەلدى — رەسمي قۇجاتتار بويىنشا جانىبەكتىڭ اناسى دەپ جازىلعان ايەلدى ءبىز جەلتوقساندا تاپتىق”، - دەدى.
ودان بولەك، “بارمىسىم، باۋىرىڭ؟” باعدارلاماسىنىڭ جۇرگىزۋشىسى بەلگيالىق ايەلدىڭ ارقالىققا كەلىپ، بالەنباي مىڭ ەۋرو ساناپ بەردىم دەگەن كىسىنى دە بىلەتىنىن ايتتى.
“تەرگەپ-تەكسەرۋ ءىسى ءجۇرىپ جاتىر، ول قۇقىق قورعاۋ ورگانداردىڭ قولىندا. كۇنى بۇگىنگە دەيىن 28 ايەل، 1 ەر كىسى اناليز تاپسىردى. ناتيجە 0%. تاعى دا بولجامدى انا نەمەسە اكە بولۋى مۇمكىن ادامدار بار، زەرتتەۋ توقتاعان جوق.
ەكىنشى ماسەلە: جانىبەكتىڭ يسپانيادا اينالىساتىنى ماۋسىمدىق جۇمىس (تۋريستەرگە قىزمەت كورسەتۋ) ول ورتا مەكتەپتى بىتىرگەن سوڭ بىزدەگىدەي بىردەن ۋنيۆەرگە تۇسپەگەن، بىراق جوعارى وقۋ ورنىندا وقۋ جوسپارىندا بار. ءبىلىمدى ارينە، سول ەۋروپادا السام دەپ ويلايدى. مايوركادا جالعىز ءوزى پاتەر جالداپ تۇرادى، جەكەمەنشىك باسپاناسى جوق. وتباسىم دەپ، ەڭ جاقىن دوستارىن ايتادى. جانۋارلارىم دەپ رانچوعا بارىپ، (تاعى دا جالدانىپ) ءوزى باپتاپ كومەكتەسىپ جۇرگەن اتتارىن دا قوسىپ ايتادى. جانىبەكتىڭ باسىندا ءۇيى دە، قۇرعان وتباسى دا جوق. اسىراپ العان شەشەسى بەلگيادا قالعان”، - دەپ قورىتىندىلادى قىمبات دوسجان.
