قازاقستان ۇكىمەتىنىڭ سۋ رەسۋرستارىن تولىق مەملەكەتتىك باقىلاۋعا الۋ تۋرالى شەشىمى قوعام تاراپىنان وڭ باعاسىن تابۋدا.
قوعام جاناشىرى، “جاسىل قۇرىلىس” قاۋىمداستىعىنىڭ پرەزيدەنتى نۇرلان بولاتوۆيچ كوپتىلەۋوۆ بۇل قادامدى «قازاق ەلىنىڭ ورتاق جەڭىسى» دەپ اتادى. ول بۇل تۋرالى Facebook پاراقشاسىندا جاريالادى.
كوپتىلەۋوۆتىڭ ايتۋىنشا، سوڭعى ايلاردا سىر ءوڭىرى ديحاندارىنىڭ سۋ تاپشىلىعى ماسەلەسى بىرنەشە رەت كوتەرىلىپ، سۋدىڭ ءتيىمسىز پايدالانىلۋىنا قاتىستى ناقتى تالداۋلار مەن ۇسىنىستار جاريالانعان. ونىڭ سوزىنشە، قوعام ءۇنىنىڭ ارقاسىندا ۇكىمەت ستراتەگيالىق ماڭىزدى رەسۋرستاردى باقىلاۋعا الۋ تۋرالى شەشىم قابىلداعان.
پرەمەر-مينيستر ولجاس بەكتەنوۆتىڭ مالىمدەۋىنشە، ەندى سۋ كولەمى مەن ونىڭ جۇمسالۋى قاتاڭ قاداعالانباق. بۇل شارا تەك سىر بويى عانا ەمەس، بۇكىل ەل ءۇشىن ماڭىزدى سۋ قاۋىپسىزدىگىن قامتاماسىز ەتۋگە باعىتتالعان.
كوپتىلەۋوۆ سۋ ماسەلەسى ەندى «بيزنەس مۇددەسىنەن جوعارى، ۇلتتىق دەڭگەيدە قارالاتىنىن» اتاپ ءوتتى جانە قوعام ءۇشىن جۇمىسىن جالعاستىراتىنىن جەتكىزدى.
