Qazaqstan Ükımetınıŋ su resurstaryn tolyq memlekettık baqylauǧa alu turaly şeşımı qoǧam tarapynan oŋ baǧasyn tabuda.
Qoǧam janaşyry, “Jasyl Qūrylys” qauymdastyǧynyŋ prezidentı Nūrlan Bolatovich Köptıleuov būl qadamdy «qazaq elınıŋ ortaq jeŋısı» dep atady. Ol būl turaly Facebook paraqşasynda jariialady.
Köptıleuovtyŋ aituynşa, soŋǧy ailarda Syr öŋırı dihandarynyŋ su tapşylyǧy mäselesı bırneşe ret köterılıp, sudyŋ tiımsız paidalanyluyna qatysty naqty taldaular men ūsynystar jariialanǧan. Onyŋ sözınşe, qoǧam ünınıŋ arqasynda Ükımet strategiialyq maŋyzdy resurstardy baqylauǧa alu turaly şeşım qabyldaǧan.
Premer-ministr Oljas Bektenovtıŋ mälımdeuınşe, endı su kölemı men onyŋ jūmsaluy qataŋ qadaǧalanbaq. Būl şara tek Syr boiy ǧana emes, bükıl el üşın maŋyzdy su qauıpsızdıgın qamtamasyz etuge baǧyttalǧan.
Köptıleuov su mäselesı endı «biznes müddesınen joǧary, ūlttyq deŋgeide qaralatynyn» atap öttı jäne qoǧam üşın jūmysyn jalǧastyratynyn jetkızdı.
