Oljas Bektenov qaqtyǧys aimaqtaryna el azamattarynyŋ baruyn zaŋnamalyq tūrǧydan şekteu tetıkterı äzırlenetının mälımdedı, dep habarlaidy "Adyrna" ūlttyq portaly.
Premer-ministrdıŋ aituynşa, qauıpsızdık jaǧdaiy kürdelengen öŋırlerge azamattardyŋ saparyna qatysty aldyn alu şaralaryn küşeitu qajet.
«Evakuasiialyq kezeŋde keibır azamattardyŋ qaqtyǧys aimaqtaryna saparyn jalǧastyruy qosymşa jükteme tuǧyzdy. Osyǧan bailanysty mūndai öŋırlerge şyǧudy uaqytşa şekteuge mümkındık beretın zaŋnamalyq tetıkter äzırlenetın bolady», – dedı Bektenov mäjılıs deputattarynyŋ saualyna bergen jauabynda.
Ükımet basşysy Taiau Şyǧystaǧy jaǧdai uşyǧyp tūrǧan kezde Almaty qalasynan Dubai men Şardja qalalaryna 191 qazaqstandyqtyŋ ūşyp barǧany tırkelgenın habarlady.
Onyŋ mälımetınşe, memleket basşysynyŋ tapsyrmasymen Taiau Şyǧys elderınen Qazaqstan azamattaryn evakuasiialau boiynşa auqymdy jūmystar jürgızılgen. Qaqtyǧys bastalǧaly berı 66 reis ūiymdastyrylyp, onyŋ 27-sınıŋ şyǧyny respublikalyq biudjet esebınen tölengen. Al qalǧan 39 kommersiialyq reistıŋ biletterın azamattar özderı satyp alǧan.
Bektenovtıŋ aituynşa, ükımet daǧdarys jaǧdailarynda ūlttyq äue tasymaldauşylaryn jedel jūmyldyru tetıkterın jetıldırudı jäne tötenşe jaǧdailarǧa arnalǧan arnaiy äue kemelerın satyp alu mümkındıgın qarastyryp jatyr.
