Foto Jİ-men jasalǧan
Qazaqstanda üşınşı atom elektr stansiiasyn salu üşın Şyǧys Qazaqstan, Batys Qazaqstan jäne Soltüstık Qazaqstan öŋırlerındegı bırneşe äleuettı alaŋ zerttelıp jatyr, dep habarlaidy “Adyrna”.
Būl turaly atom energiiasy jönındegı agenttık töraǧasy Almasadam Sätqaliev aitty.
Onyŋ sözınşe, elımızde kemınde üş atom elektr stansiiasyn salu josparda bar. Alǧaşqy ekı stansiiany Almaty oblysynyŋ Jambyl audanynda ornalastyru közdelgen. Geologiialyq, gidrologiialyq jäne basqa da zertteulerdıŋ aldyn ala qorytyndysy boiynşa, būl aumaq qolaily dep tanylǧan.
Al üşınşı AES-tıŋ yqtimal ornalasu oryndarynyŋ qatarynda Şyǧys Qazaqstan oblysyndaǧy Kurchatov qalasy, Kaspii teŋızınıŋ jaǧalauy jäne Soltüstık Qazaqstandaǧy aumaqtar bar.
«Şyǧys Qazaqstandaǧy Kurchatov qalasyn, Batys Qazaqstandaǧy Kaspii teŋızınıŋ jaǧalauyn zerttep jatyrmyz. Sondai-aq KEGOC jüielık operatorynyŋ ūsynysy boiynşa Soltüstık Qazaqstandaǧy alaŋdy qarastyramyz. Äŋgıme Tobyl özenı boiyndaǧy, salqyndatuǧa qajettı su qory jetkılıktı aumaq turaly bolyp otyr», – dedı Almasadam Sätqaliev.
Agenttık töraǧasynyŋ sözınşe, bolaşaq stansiianyŋ ornyn anyqtau kezınde elektr energiiasyn tūtynu kölemınıŋ ösuı jäne ortaşa quatty reaktorlardy paidalanu mümkındıgı eskerıledı. Mūndai reaktorlar elektr energiiasymen qatar jylu öndıruge, al keibır jaǧdaida sudy tūşy etuge de mümkındık beredı.
Üşınşı AES saluǧa ūsynylǧan barlyq aumaq atom energetikasyn damytudyŋ kelesı kezeŋderınde jan-jaqty zertteledı.
