Energetika ministrı Almasadam Sätqaliev Ükımet otyrysynan keiın tılşılermen tıldesıp, bırqatar saualdarǧa jauap berdı. Sonymen qatar "Samūryq-Qazyna" basşysy Nūrlan Jaqypovtyŋ atom elektr stansiiasyn saluǧa qatysty aitqan sözıne pıkır bıldırdı, dep habarlaidy "Adyrna" ūlttyq portaly.
«Ükımettıŋ nazarynda tūrǧan jobalardyŋ bırı – Atom elektr stansasyn salu. Tiıstı Jol kartasy bar, qazır sonyŋ aiasynda nysan salynatyn oryndy taŋdau jönınde qoǧamdyq tyŋdau ötedı. Ärı qaraiǧy şeşım sol qoǧamdyq tyŋdaudyŋ qorytyndysy boiynşa jäne Ükımettıŋ sarapşylarmen aqyldasuynan keiın qabyldanady. «Qazaqstan atom elektr stansalary» qazır ötkızıp jatqan konkurs älı küşınde. Ol jerde bırneşe äleuettı qatysuşy bar. AES salu turaly talai aittyq. Konkursqa qatysuşylardyŋ qataryn keŋeittık jäne Jol kartasy aiasynda jūmys ıstep jatyrmyz», - dedı Energetika ministrı.Eske sala otyraiyq, būǧan deiın «Samūryq-Qazyna» AQ basqarma töraǧasy Nūrlan Jaqypov AES qūrylysyna qatysty pıkır bıldırgen edı. Ol AES qūrylysy turaly aitpas būryn äuelı «Ondai nysan Qazaqstanǧa kerek pe?» degen saualǧa jauap beru qajettıgın söz etken-tūǧyn.
"Adyrna" ūlttyq portaly