Zaporoje AES-i ornalasqan Energodar qalasynyń ákimi AES aımaǵyndaǵy shaıqastardyń toqtaǵanyn jáne órt sóndirilgenin habarlady. Buǵan deıin atom elektr stanııasyna Reseı áskeri birneshe saǵat boıy oq jaýdyrǵan bolatyn.
Ýkraındyqtardyń habarlaýynsha, ákimshilik oqý ǵımaratynyń úshinshi, tórtinshi jáne besinshi qabattary órtke oranǵan. Tek tańǵa jaqyn ǵana Ýkraınanyń memlekettik tótenshe jaǵdaılar qyzmetiniń qutqarýshylary órttiń taralýyn toqtatyp, 2 myń sharshy metr aýmaqty oqshaýlady. Al órt jergilikti ýaqyt boıynsha tańǵy 6:20-da joıyldy.
Buǵan deıin Dmıtrıı Orlov jaqyn mańdaǵy Zaporoje atom elektr stanııasynyń ǵımarattary men bloktary jumaǵa qaraǵan túni úzdiksiz atqylaǵanyn, sonyń saldarynan Eýropadaǵy eń iri atom elektr stanııasynda órt shyqqanyn aıtqan. Onyń aıtýynsha, atom elektr stanııasynda jaralanǵandar da bar.
«Reseı tankteri qalaǵa kirip, AES-ti baqylaýyna alýǵa tyrysty. Alaıda onyń qyzmetkerleri men jergilikti turǵyndar Reseı áskeriniń jolyn jabý úshin atom elektr stanııasy men oǵan irgeles joldarǵa jınaldy”, -dedi Dmıtrıı Orlov
Zaporoje AES-i belgilengen qýaty boıynsha Eýropadaǵy eń iri atom elektr stanııasy. Onyń alty VVER-1000 energobloktary V-320 jobasy boıynsha salynǵan. Birinshi energoblok 1984 jyly jeltoqsanda, altynshy blok 1995 jyly qazanda iske qosyldy.
Shamamen, bir apta buryn Reseı áskerleri jabylǵan Chernobyl atom elektr stanııasyn baqylaýǵa alǵan bolatyn. Ýkraına sheneýnikteri sol kezde aımaqtaǵy birqatar jerlerde radıaııa deńgeıiniń asyp ketkenin habarlady. Alaıda Reseı bul aqparatty joqqa shyǵaryp otyr.
”Adyrna” ulttyq portaly
