ارمەنيا ەۋرووداققا مۇشە بولعىسى كەلەتىنىن جاريالادى، دەپ حابارلايدى “ادىرنا” ءتىلشىسى.
بۇل تۋرالى ەلدىڭ سىرتقى ىستەر مينيسترلىگىنىڭ باسشىسى حابارلادى.
“ارمەنيادا ەۋروپالىق وداققا مۇشە بولۋ يدەياسى “بەلسەندى تالقىلانۋدا”، - دەدى ەلدىڭ سىرتقى ىستەر ءمينيسترى ارارات ميرزويان.
ارمەنيا بيلىگى ەو مەن ناتو-عا كىرۋدى ويلادى ما دەگەن سۇراققا جاۋاپ بەرىلدى.
“ارمەنيا حالقىنىڭ ەۋروپالىق ۇمتىلىستارى بار، ءبىز بۇل پروتسەستى باستان وتكەرىپ جاتىرمىز، ونىڭ اياقتالۋى قانداي بولاتىنىن كورەمىز. ونى ەشكىم بولجاي المايدى، ەشكىم سەنىمدى بولا المايدى”، — دەدى ميرزويان.
