گەرمانيا پرەزيدەنتى فرانك-ۆالتەر شتاينمايەر قازاقستان ازاماتتارى ءۇشىن ۆيزا تالاپتارىن جەڭىلدەتۋ ماسەلەسىنە قاتىستى پىكىر ايتتى، دەپ حابارلايدى "ادىرنا" ۇلتتىق پورتالى.
پرەزيدەنتتىڭ ايتۋىنشا، قازاقستان ازاماتتارىنىڭ گەرمانياعا بارۋىن جانە گەرمانيا ازاماتتارىنىڭ قازاقستانعا كەلۋىن اناعۇرلىم جەڭىلدەتەتىن مۇمكىندىكتەردى قاراستىرۋعا گەرمانيا جاعى دا مۇددەلى. ال ۆيزا ماسەلەسى ەۋرووداق توڭىرەگىندە قاراستىرىلاتىن بولادى.
"بۇل وتە ماڭىزدى اسپەكت. قازاقستان ازاماتتارىنىڭ گەرمانياعا كەلۋىن جانە گەرمانيا ازاماتتارىنىڭ قازاقستانعا بارۋىن اناعۇرلىم جەڭىلدەتەتىن مۇمكىندىكتەردى قاراستىرۋعا ءبىز دە مۇددەلىمىز. وزىڭىزگە ءمالىم، ۆيزا ماسەلەسى ەۋروپالىق وداق دەڭگەيىندە، ەۋروپالىق قۇرىلىمدار دەڭگەيىندە قاراستىرىلادى. سوندىقتان ءبىز اتالمىش ماسەلە بويىنشا ەو ۇستانىمىن قۇپتايمىز", - دەپ قىسقا قايىردى گەرمانيا پرەزيدەنتى فرانك-ۆالتەر شتاينمايەر.
"ادىرنا" ۇلتتىق پورتالى
ۇقساس جاڭالىقتار
