الماتى اۋەجايى اۋا رايىنا بايلانىستى كەلۋشىلەر ءۇشىن جابىلدى. بۇل تۋرالى اۋەجايدىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
"الماتى حالىقارالىق اۋەجايى اۋا رايىنىڭ قولايسىزدىعىنا بايلانىستى مۇزدانىپ قالۋعا قارسى جۇمىستاردى جۇرگىزۋ ۋاقىتشا مۇمكىن بولماي تۇرعانىن حابارلادى. الماتىدان ۇشۋلار اۋا رايى جاقسارمايىنشا توقتاتىلدى", - دەپ حابارلادى اۋەجايدان.
سونداي-اق جەرگىلىكتى ۋاقىت بويىنشا ساعات 19:00-دەن باستاپ الماتى اۋەجايى كەلۋشىلەر ءۇشىن جابىلاتىنى حابارلاندى. الماتى حالىقارالىق اۋەجايى اۋا رايى جاقسارا سالىسىمەن جۇمىسىن جالعاستىرادى.
قازىر اۋەجاي ءىشى حالىققا لىق تولى، ءتىپتى بوس ورىن جوق.
سونداي-اق، بۇگىن الماتى اكىمدىگى اۋا رايىنىڭ ناشارلاۋىنا بايلانىستى كوممۋنالدىق قىزمەتتەردىڭ كۇشەيتىلگەن جۇمىس رەجيمىنە كوشكەنىن اتاپ ءوتتى. قار 15 ناۋرىزدا تاڭعى ساعات 4-كە دەيىن جالعاسادى، قالىڭدىعى 8-10 سم قار جاۋادى دەپ كۇتىلۋدە.
تجد الماتى تۇرعىندارىنا ۇندەۋ جولدادى: قۇتقارۋشىلار قالادا باستالعان قالىڭ قارعا بايلانىستى ازاماتتاردى كولىكتەرىن اعاشتاردىڭ استىنا قويماۋدى سۇرايدى.
