گۇلميرا ساتىبالدىعا قاتىستى جاڭا تەرگەۋ اياقتالدى. قازىر پروتسەسكە قاتىسۋشىلار قىلمىستىق ءىس ماتەريالدارىمەن تانىسۋدى جالعاستىرىپ جاتىر، دەپ حابارلايدى «ادىرنا» ءتىلشىسى tengrinews.kz-كە سىلتەمە جاساپ.
«سىبايلاس جەمقورلىققا قارسى قىزمەت گۇلميرا ساتىبالدى مەن باسقا ادامداردىڭ قازاقستان قىلمىستىق كودەكسىنىڭ 126-بابى، 3-بولىگى، 3-تارماعى ("باس بوستاندىعىنان زاڭسىز ايىرۋ ابايسىزدا جابiرلەنۋشiنiڭ ولىمىنە نە وزگە دە اۋىر زارداپتارعا اكەپ سوقسا" - ەسك.), 194-بولىگى، 4-بولىگى، 2-تارماعى ("قورقىتىپ الۋ، اسا iرi مولشەردە جاسالسا" - ەسك.) جانە 389-بابتىڭ، 4-بولىگىندە ("وزiنشە بيلiك ەتۋ، وسى باپتىڭ ەكىنشى نەمەسە ءۇشىنشى بولiكتەرiندە كوزدەلگەن، اۋىر زارداپتارعا اكەپ سوققان ءىس-ارەكەتتەر" - ەسك.) كوزدەلگەن قىلمىستىق قۇقىقبۇزۋشىلىقتار جاسادى دەگەن كۇدىك بويىنشا تەرگەۋدى اياقتادى»،- دەپ حابارلادى سىبايلاس جەمقورلىققا قارسى ءىس-قيمىل اگەنتتىگى.
انتيكور باسقا اقپاراتتاردىڭ جاريا ەتىلمەيتىنىن اتاپ ءوتتى.
ەسكە سالايىق، 2023 جىلدىڭ مامىرىندا گۇلميرا ساتىبالدىعا 7 جىلعا باس بوستاندىعىنان ايىرۋ جازاسى تاعايىندالعان ەدى. ول قىلمىستىق كودەكستىڭ 28-بابى 3-بولىگى 1,8-تارماعى جانە وسى باپتىڭ 125-بولىگىنىڭ 2-تارماعى بويىنشا قۇقىق بۇزۋشىلىق جاساعانى ءۇشىن كىنالى دەپ تانىلدى.
