Gúlmıra Satybaldyǵa qatysty jańa tergeý aıaqtaldy. Qazir proeske qatysýshylar qylmystyq is materıaldarymen tanysýdy jalǵastyryp jatyr, dep habarlaıdy «Adyrna» tilshisi tengrinews.kz-ke silteme jasap.
«Sybaılas jemqorlyqqa qarsy qyzmet Gúlmıra Satybaldy men basqa adamdardyń Qazaqstan Qylmystyq kodeksiniń 126-baby, 3-bóligi, 3-tarmaǵy ("Bas bostandyǵynan zańsyz aıyrý abaısyzda jábirlenýshiniń ólimine ne ózge de aýyr zardaptarǵa ákep soqsa" - esk.), 194-bóligi, 4-bóligi, 2-tarmaǵy ("Qorqytyp alý, asa iri mólsherde jasalsa" - esk.) jáne 389-babtyń, 4-bóliginde ("Ózinshe bılik etý, osy baptyń ekinshi nemese úshinshi bólikterinde kózdelgen, aýyr zardaptarǵa ákep soqqan is-áreketter" - esk.) kózdelgen qylmystyq quqyqbuzýshylyqtar jasady degen kúdik boıynsha tergeýdi aıaqtady»,- dep habarlady Sybaılas jemqorlyqqa qarsy is-qımyl agenttigi.
Antıkor basqa aqparattardyń jarııa etilmeıtinin atap ótti.
Eske salaıyq, 2023 jyldyń mamyrynda Gúlmıra Satybaldyǵa 7 jylǵa bas bostandyǵynan aıyrý jazasy taǵaıyndalǵan edi. Ol Qylmystyq kodekstiń 28-baby 3-bóligi 1,8-tarmaǵy jáne osy baptyń 125-bóliginiń 2-tarmaǵy boıynsha quqyq buzýshylyq jasaǵany úshin kináli dep tanyldy.
