تانىمال شاحماتشى جانسايا ابدىمالىك سپورتتىق مانسابىن اياقتاۋ جانە شاحماتشى بيبىسارا اساۋباەۆامەن قارىم-قاتىناسى تۋرالى ايتتى. بۇل تۋرالى ول 3 ءساۋىر كۇن Sportplustv باسىلىمىنا بەرگەن سۇحباتىندا مالىمدەدى، دەپ حابارلايدى “ادىرنا” ۇلتتىق پورتالى.
بۇعان دەيىن KazChess Awards سالتاناتىندا بليتس بويىنشا 20 جاستاعى الەم چەمپيونى قوماقتى سومامەن ماراپاتتالعان بولاتىن. ال ونىڭ ارىپتەسى جانسايانىڭ مانسابىن اياقتاۋ تۋرالى بولجام جاسادى.
"مەن بيىلعى جىلى تۋرنيرلەرگە قاتىسۋدى جوسپارلاپ وتىرعان جوقپىن. ماۋسىمدى وتكىزىپ الۋىم ابدەن مۇمكىن. بىراق مەن مانسابىمدى اياقتاۋ تۋرالى سوڭعى شەشىمدى ءالى قابىلداعان جوقپىن", - دەپ مويىندادى ابدۋماليك سۇحباتىندا.
ابدىمالىك ونەر كورسەتكەن سوڭعى بايقاۋ 2023 جىلدىڭ كۇزىندە ءوتتى. سودان كەيىن قازاقستاندىق اساۋباەۆامەن بىرگە 2023 جىلى حانچجوۋداعى (قىتاي) ازيا ويىندارىندا ونەر كورسەتتى. اساۋباەۆا مارەگە بەسىنشى، ابدىمالىك سەگىزىنشى ورىنعا تابان تىرەدى.
«مەن بيبىسارامەن ارالاسپايمىن، ويتكەنى قارىم-قاتىناسىمىز سول كۇيىندە قالدى»، - دەپ قوستى ول.
ايتا كەتسەك، ابدىمالىك 2014 جىلى ايەلدەر اراسىنداعى گروسسمەيستەر، 2017 جىلى حالىقارالىق شەبەر، 2021 جىلى گروسسمەيستەر اتاعىن الدى.
ال ءبيبىسارا اساۋباەۆا بىرنەشە ميلليون دوللارلىق سىيلىقتىڭ يەگەرى اتاندى
بۇعان دەيىن اساۋباەۆا Swiss Queens Wednesday ءتۋرنيرىنىڭ جەڭىمپازى اتانىپ، 135 مىڭ تەڭگە جۇلدە العان بولاتىن.
