“ادىرنا” ۇلتتىق پورتالى YouTube ارناسىنىڭ كەزەكتى قوناعى - ەكونوميست جانگەلدى شىمشىقوۆ. ول سۇحبات بارىسىندا سۋ اپاتى جانە سالاداعى كەمشىلىكتەر جايىندا ايتادى.
ماسەلەنىڭ تابيعي، گيدرولوگيالىق جانە كادرلىق قىرىنا توقتالعان ول بيلىكتىڭ قايتالانۋى بەلگىلى اپاتقا دايىندىعىن سىنايدى.
ايتۋىنشا، شەنەۋنىكتەر ەسەبىندەگى جەتىستىكتى حالىق ءوز ومىرىنەن كورە الماي كەلەدى. تاسقىن كەزىندە حالىق ءوز-وزىنە بولىسىپ، بولەك ارەكەت ەتىپ جاتىر. «يتتەن قاسقىر شىقپايتىنىن» ايتقان مامان كەمشىلىكتەردى رەتتەپ، قارىمدى ارەكەت ەتۋ ءۇشىن بيلىكتىڭ يدەولوگياسىن وزگەرتۋ كەرەك دەپ سانايدى. سوندايدا ول ناقتى ارەكەت ەتپەي «ءبىر-بىرىمەن حات جازىسىپ وتىراتىن» مەكەمەلەردى جابۋدى ۇسىنادى. عالىم ماقتانشاقتىققا ەمەس، جاسامپازدىققا قادام جاسالعاندا عانا بيلىكتەن ناقتى ارەكەت كۇتۋگە بولاتىنىن ايتادى.
"ادىرنا" ۇلتتىق پورتالىنىڭ youtube ارناسى ەلىمىزدەگى قىزىقتى وقيعالاردى، ءتۇرلى اقپاراتتاردى، پايدالى سۇحباتتاردى جاريالاپ، سىزدەردىڭ سەنىمدەرىڭىزدەن شىعادى دەپ ۇمىتتەنەمىز.
