اتاقتى كۇيشى-كومپوزيتور، قازاقستاننىڭ ەڭبەك سىڭىرگەن مادەنيەت قايراتكەرى ءابدىمومىن جەلدىباەۆ 90 جاسقا قاراعان شاعىندا دۇنيەدەن وزدى، دەپ حابارلايدى «ادىرنا» ءتىلشىسى.
ول 1934 جىلى 15 قازاندا جامبىل وبلىسى شۋ اۋدانىندا ومىرگە كەلگەن. كۇيشى-كومپوزيتور جامبىل مادەني اعارتۋ ۋچيليششەسىن، الماتى كونسەرۆاتورياسىن بىتىرگەن. 1964 جىلدان شۋ اۋداندىق مادەنيەت ءبولىمىنىڭ مەڭگەرۋشىسى بولدى.
30 جىلدان اسا ۋاقىت بويى «شۋ ەركەسى» حالىق اسپاپتار انسامبلىنە جەتەكشىلىك ەتتى. كومپوزيتوردىڭ «ارمان قۇس»، «اباي ارمانى»، «جامبىل تولعاۋى»، «تۇران ەلى» سىندى 70-تەن استام كۇيى مەن ءانى بار. ونىڭ «ەركە سىلقىم» كۇيى حالىققا كەڭىنەن تارالعان. «قۇرمەت» وردەنىمەن ماراپاتتالعان.
