سەمەيدە ەلوردا كۇنىنە وراي «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ مۇرىندىق بولۋىمەن جانە قالا اكىمدىگىنىڭ قولداۋىمەن ۆەلوشەرۋ وتكىزىلدى. ماقساتى – بويداعى رۋحتى شىڭداپ، جاستاردىڭ سپورتقا دەگەن بەلسەندىلىكتەرىن ارتتىرۋ. ۆەلوشەرۋگە 100-گە جۋىق قاتىسۋشى قاتىستى. شارا مۇحتار اۋەزوۆ الاڭىنان باستالىپ، ەرتىستىڭ وڭ جاعالاۋىنا دەيىن جالعاستى. قاتىسۋشىلار 4 شاقىرىم جول ءجۇرىپ ءوتتى.
- بۇگىن مەرەكەگە وراي، ۆەلوشەرۋ ۇيىمداستىرىلىپ وتىر. شاراعا مەكەمە قىزمەتكەرلەرى قاتىسۋدا. ولاردىڭ ىشىندە زەينەتكەرلىك جاسىنا جەتكەن قىزمەتكەرىمىز دە بار. ۇجىمنىڭ بەلسەندىلىگىن ارتتىرۋ ءۇشىن وسىنداي شارالاردىڭ ماڭىزى زور دەپ ويلايمىن، - دەدى №1 حالىققا قىزمەت كورسەتۋ ورتالىعىنىڭ ءبولىم باسشىسى گۇلنار كەرىمحانقىزى.
ۇيىمداستىرۋشىلاردىڭ ايتۋىنشا اتالمىش شارا الداعى ۋاقىتتا دا جالعاسىن تاپپاق.
- مەن بالا كەزدەن باستاپ ۆەلوسپورتپەن اينالىسامىن. جاسىم 62 كەلسە دە، سپورتتى جانىما سەرىك ەتۋدەمىن. جاستاردى وسىنداي شارالاردا بەلسەندىلىك تانىتۋعا شاقىرامىن، - دەدى №1 حالىققا قىزمەت كورسەتۋ ورتالىعىنىڭ مامانى سانياربەك تاۋىربەكۇلى.
شارا سوڭى ەرتىس جاعالاۋىنداعى مەرەكەلىك كونتسەرتپەن ءتامامدالدى.
سەمەي قالاسىنىڭ اقپاراتتىق ورتالىعى
"ادىرنا" ۇلتتىق پورتالى
