اتالمىش اكتسيا رەسپۋبليكالىق «تازا قازاقستان» ەكولوگيالىق ناۋقانىنىڭ اياسىندا، تابيعاتتى قورعاۋ جانە تاريحي-مادەني ەسكەرتكىشتەر مەن اۋماقتى تازارتۋ ماقساتىندا وبلىس اكىمى مارات سۇلتانعازيەۆتىڭ باستاماسىمەن قولعا الىندى.
ەكولوگيالىق اكتسيا قورشاعان تابيعات پەن كونە ءداۋىر رۋحى ۇيلەسىم تاپقان الماتى وبلىسىنداعى كيەلى ورىن - «تامعالى تاس» ارحەولوگيالىق كەشەنىنىڭ اۋماعىن تازارتۋدان باستالدى.
سونداي-اق، اكتسيا شەڭبەرىندە جامبىل جاباەۆ مۇراجاي-كەشەنى، «تاڭبالى» قورىق مۇراجايى، «جاڭا» مەموريالدىق قۇرباندار كەشەنى، «تالعار قالاشىعى»، شارىن مەملەكەتتىك ۇلتتىق تابيعي پاركى مەن قاراساي جانە وتەگەن باتىر ەسكەرتكىشتەرىنىڭ ماڭايى ابباتتاندىرىلدى.
قورشاعان ورتانىڭ ەكولوگيالىق جاعدايىن جاقسارتۋعا باعىتتالعان شارانى، مەملەكەت باسشىسى قاسىم-جومارت كەمەلۇلى دا قولداپ، ناۋقانعا بارشا جۇرتتى قاتىسۋعا شاقىرعان بولاتىن.
جالپى شاراعا، الماتى وبلىسى«قوعامدىق كەلىسىم جانە دامۋ ورتالىعى» كمم قىزمەتكەرلەرى مەن وبلىستىق قحا مۇشەلەرى، انالار جانە اقساقالدار كەڭەسىنىڭ توراعالارى جانە ەتنومادەني ورتالىقتاردىڭ جەتەكشىلەرى قاتىستى.
ايتا كەتەيىك، ەكولوگيالىق اكتسيانىڭ وتۋىنە جالپى سانى 500-گە جۋىق ادام اتسالىستى.
