ورالداعى سۋ تاسقىنىنىڭ ورشۋىنە بايلانىستى قالاداعى №27 تۇزەتۋ مەكەمەسىندەگى سوتتالعاندار قازاقستاننىڭ بىرقاتار وڭىرلەرىنە ەۆاكۋاتسيالاندى، دەپ حابارلايدى “ادىرنا” ۇلتتىق پورتالى Azattyq Ruhy-نا سىلتەپ.
بۇل اقپاراتتى قىلمىستىق اتقارۋ جۇيەسى كوميتەتىنىڭ باتىس قازاقستان وبلىسى بويىنشا دەپارتامەنتىنىڭ ءباسپاسوز قىزمەتى راستادى.
«جايىق وزەنىندەگى سۋ دەڭگەيىنىڭ ارتۋىنا جانە №27 مەكەمەسىن سۋ باسۋ قاۋىپىنە بايلانىستى، جەتى جۇزگە جۋىق سوتتالعان ادام قازاقستاننىڭ باسقا وڭىرلەرىنە ەۆاكۋاتسيالاندى. ولار اقتوبە، تاراز، شىمكەنت جانە قىزىلورداعا كوشىرىلدى", - دەپ حابارلادى ءباسپاسوز قىزمەتى.
ەستەرىڭىزگە سالا كەتەيىك، بۇعان دەيىن حابارلاعانىمىزداي، بقو اكىمىنىڭ ءباسپاسوز حاتشىسى ايماقتاعى جاعداي بويىنشا دابىل قاققان.
ۇقساس جاڭالىقتار
