بۇگىن قازاقتىڭ «جەزكيىگى»، اۋەسقوي كومپوزيتور، قازاقستاننىڭ ەڭبەك سىڭىرگەن مادەنيەت قىزمەتكەرى جاقسىكەلدى سەيىلوۆتىڭ تۋعانىنا - 75 جىل.
جاقسىكەلدى ءۋاليۇلى سەيىلوۆ - 1949 جىلى قاراعاندى وبلىسى ۇلىتاۋ اۋدانى العاباس اۋىلىندا دۇنيەگە كەلگەن. اكەسى ءۋالي تەمىرجول بويىنىڭ شەبەرى بولىپ ەڭبەك ەتىپ، اناسى اقبالا ءۇي تىرشىلىگىمەن اينالىسقان قاراپايىم جاندار.
ج.سەيىلوۆ 6 ايلىعىندا شەشەكپەن اۋىرىپ، كورۋ قابىلەتى مۇلدە تومەندەپ، مۇگەدەك بولىپ قالادى. سەگىز ايلىق كەزىندە اناسىنان ايىرىلادى.
1968 جىلى تالانت قاراعاندى قالاسىنداعى زاعيپتار مەكتەبىن بىتىرەدى. 1970 جىلى رەسپۋبليكاعا اتى ايگىلى بولعان «قاراكوز» ۆوكالدى اسپاپتار ءانسامبىلىن قۇرىپ، ونىڭ كوركەمدىك جاعىن باسقاردى. وسى انسامبل ارقىلى ول كومپوزيتور ءارى ءانشى رەتىندە كوپشىلىك قاۋىمعا تانىلا باستالدى.
«نەگە سولاي»، «جەزكيىك»، «انا تۋرالى باللادا»، «كەزدەسۋ»، «اينالايىن قاناتىم»، «نان تۋرالى باللادا» ت.ب. اندەرى رەس-پۋبليكالىق بايقاۋلاردا جۇلدەلى ورىندارعا يە بولدى
1975 جىلى جەزقازعان فيلورمونياسىنان «جەزكيىك» اتتى انسامبل قۇرىلدى. بۇل انسامبل سەيىلوۆتىڭ اقىن ك.سالىقوۆتىڭ سوزىنە جازعان «جەزكيىك» ءانىنىڭ اتىمەن اتالادى.
ج.سەيىلوۆ 1974-1976, 1983-1985 جىلدارى قازاق زاعيپتار قوعامى جەزقازعان وبىلىستىق باسقارماسىنىڭ توراعاسى قىزمەتىڭ اتقاردى. كەيىن ج.سەيىلوۆ جەزقازعان وبلىستىق مەملەكەتىك فيلورمونياسىندا كونتسەرتمەيستەر بولىپ ەڭبەك ەتەدى.
جەزقازعانداعى س.قوجامقۇلوۆ اتىنداعى مادەنيەت سارايى كەزىندە ج.سەيىلوۆتى ونەر الەمىنە قاناتتاندىرعان تاريحي ورىن.
كيەلى ۇلىتاۋ بوكتەرىندە تۋعان ج.سەيىلوۆ – تىرلىگىندە ءوز باعاسىن الىپ ۇلگەرگەن ونەر يەسى. ول قاتىسپاعان بايقاۋ، فەستيۆال از. ج.سەيىلوۆ رەسپۋبليكالىق ەسترا-دا انشىلەرى كونكۋرسىنىڭ، «جىگەر» فەستيۆالىنىڭ، ش.قالداياقوۆ اتىنداعى حالىقارالىق كونكۋرستىڭ جۇلدەگەرى اتاندى. «قر ەڭبەك سىڭىرگەن مادەنيەت قىزمەتكەرى» دەگەن اتاققا يە بولدى.
