Búgin qazaqtyń «Jezkıigi», áýesqoı kompozıtor, Qazaqstannyń eńbek sińirgen mádenıet qyzmetkeri Jaqsykeldi Seıilovtiń týǵanyna - 75 jyl.
Jaqsykeldi Ýálıuly Seıilov - 1949 jyly Qaraǵandy oblysy Ulytaý aýdany Alǵabas aýylynda dúnıege kelgen. Ákesi Ýálı temirjol boıynyń sheberi bolyp eńbek etip, anasy Aqbala úı tirshiligimen aınalysqan qarapaıym jandar.
J.Seıilov 6 aılyǵynda sheshekpen aýyryp, kórý qabileti múlde tómendep, múgedek bolyp qalady. Segiz aılyq kezinde anasynan aıyrylady.
1968 jyly talant Qaraǵandy qalasyndaǵy zaǵıptar mektebin bitiredi. 1970 jyly respýblıkaǵa aty áıgili bolǵan «Qarakóz» vokaldy aspaptar ansambilin quryp, onyń kórkemdik jaǵyn basqardy. Osy ansambl arqyly ol kompozıtor ári ánshi retinde kópshilik qaýymǵa tanyla bastaldy.
«Nege solaı», «Jezkıik», «Ana týraly ballada», «Kezdesý», «Aınalaıyn qanatym», «Nan týraly ballada» t.b. ánderi res-pýblıkalyq baıqaýlarda júldeli oryndarǵa ıe boldy
1975 jyly Jezqazǵan fılormonııasynan «Jezkıik» atty ansambl quryldy. Bul ansambl Seıilovtiń aqyn K.Salyqovtyń sózine jazǵan «Jezkıik» ániniń atymen atalady.
J.Seıilov 1974-1976, 1983-1985 jyldary qazaq zaǵıptar qoǵamy Jezqazǵan obylystyq basqarmasynyń tóraǵasy qyzmetiń atqardy. Keıin J.Seıilov Jezqazǵan oblystyq memleketik fılormonııasynda konertmeıster bolyp eńbek etedi.
Jezqazǵandaǵy S.Qojamqulov atyndaǵy mádenıet saraıy kezinde J.Seıilovti óner álemine qanattandyrǵan tarıhı oryn.
Kıeli Ulytaý bókterinde týǵan J.Seıilov – tirliginde óz baǵasyn alyp úlgergen óner ıesi. Ol qatyspaǵan baıqaý, festıval az. J.Seıilov respýblıkalyq estra-da ánshileri konkýrsynyń, «Jiger» festıvaliniń, Sh.Qaldaıaqov atyndaǵy halyqaralyq konkýrstyń júldegeri atandy. «QR eńbek sińirgen mádenıet qyzmetkeri» degen ataqqa ıe boldy.
