Bügın - Ūlttyq Ǧylym akademiiasynyŋ alǧaşqy akademikterınıŋ bırı, asa ırı ǧalym, sanaly ömırınıŋ bärın ūrpaq tärbieleuge arnaǧan ūstaz, ūstazdardyŋ ūstazy Qajym Jūmalievtıŋ tuǧan künı.
Qajym Jūmaliev 1932 – 37 jyldary Abai atyndaǧy Almaty memlekettık universitetınde qazaq ädebietı kafedrasynyŋ meŋgeruşısı, Almaty joǧary oqu oryndarynda ūzaq jyldar ūstaz bolǧan. «Erǧoja men Egızbai» (1929), «Şabuyl» (1933), «Qandy asu» (1934), «Ömır jyry» (1938). «Qyrdaǧy küres» (1957) atty öleŋ-poemalar kıtaptary jaryq körgen. İsatai-Mahambet köterılısınıŋ tarihynan jazyla bastaǧan romannyŋ üzındılerı «Aiqas» degen atpen basylǧan (1942). «Bırjan-Sara» operasy librettosynyŋ, «Arbasu» (Ä.Särsenbaevpen bırge) atty dramalyq şyǧarmanyŋ avtory. Qazaq ziialy qauymynyŋ alǧaşqy buyny turaly «Jaisaŋ jandar» (1969) atty estelık jazdy.
30-jyldardyŋ soŋǧy kezınen bastap qazaq folkloryn, ädebiet tarihy men teoriiasyn zertteumen şūǧyldandy. Orta mektep oqulyqtary kölemınde ädebiet tarihyn jüieleumen ainalysyp, 8 – 9-synyptar üşın qazaq ädebietı oqulyqtaryn, «Ädebiet teoriiasyn», joǧary oqu oryndary filologiia fakultetterıne arnalǧan «XVIII-XIX ǧasyrdaǧy qazaq ädebietı» oqulyǧyn jazdy.
Mahambet şyǧarmalaryn jinap, bastyryp, aqyn şyǧarmaşylyǧyna, qazaq folklory men ädebietınıŋ bailanystaryna, Abai poeziiasyna arnalǧan monografiialyq eŋbekter jazdy. Köp tomdyq «Qazaq ädebietınıŋ tarihyn» jazuǧa qatysyp, 2-tomnyŋ redaksiiasyn basqardy.
