Búgin - Qazaqstan Respýblıkasynyń kórnekti saıası jáne memleket qaıratkeri Nurlan Ótepuly Balǵymbaevtyń týǵan kúni. Tiri bolǵanda 75 jasqa tolar edi, dep habarlaıdy “Adyrna” ulttyq portaly
Nurlan Balǵymbaev – munaıshylar dınastııasynan shyqqan: ákesi men nemere aǵalary munaıshy bolǵan.
Kezinde ózi ǵana emes, ózgeler de «naǵyz sharýanyń adamy» ataǵan ol premer-mınıstr bolyp 1997 jyly taǵaıyndaldy. Tehnokrat Balǵymbaev bul qyzmetke prezıdent bolǵysy keletinin málimdeı bastaǵan Ákejan Qajygeldınniń ornyna keldi. Premer qyzmetinde Balǵymbaev eki jyl otyrdy. Bul - teńgeniń dollarǵa shaqqandaǵy baǵamy eki ese quldyrap, eldi qarjy jáne ekonomıkalyq daǵdarys jaılaǵan jyldar bolatyn.
Nurlan Balǵymbaev premer-mınıstr qyzmetinen ketkennen keıin prezıdent Nazarbaevtyń «tasadaǵy» adamdary qataryna ysyrylǵanymen, halyq aıtqandaı «dalada qalǵan joq». Munaı óndirý salasynda túrli qyzmetter atqaryp, az ýaqyt prezıdent Nazarbaevtyń keńesshisi boldy. Qaıtys bolarynan sál buryn Forbes.kz saıty Qazaqstannyń eń yqpaldy 50 bıznesmenniń ishinde Nurlan Balǵymbaevqa 23-oryn bergen.
Forbes.kz saıtynyń málimetinshe, «Balalary Tólegen jáne Samal Balǵymbaevtarmen birge «Qazaqstan munaı ınvestıııa kompanııasynyń» quryltaıshysy. Munaı-gaz salasynda qurylys jáne ınjenerlik qyzmet kórsetýmen aınalysatyn «Isker» konorıýmynyń balasy arqyly úlestesi. Qyzy - «Atyraý Development», «Kepıtal Propertıs», Renaissance Aktau Hotel, Renaissance Atyrau Hotel» sııaqty kompanııalardyń Serjan Jumashevpen birge teń qojaıyny. Balǵymbaev – «QazMunaıGaz» kompanııasy salatyn kásiporyndar dırekııasynyń bas dırektory» delingen.
Memleket qaıratkeri, daraboz munaıshy Nurlan Balǵymbaev 2015 jyly 68 jasqa qaraǵan shaǵynda ómirden ozdy.
