Bügın Qazaq KSR-ı men Qazaqstan Respublikasynyŋ memleket jäne qoǧam qairatkerı, saiasatker Zamanbek Nūrqadılovtıŋ tuǧanyna - 80 jyl.
Zamanbek Qalabaiūly 1944 jyly Almaty oblysy, Narynqol audanynda ömırge kelgen.
1985 - 1992 - Almaty qalalyq atqaru komitetınıŋ töraǧasy;
1992 - 1994 - Almaty qalasynyŋ äkımı;
1995 - 1997 - Qazaqstan Respublikasy Parlamentı Mäjılısınıŋ deputaty;
1997 - 2001 - Almaty oblysynyŋ äkımı;
2001 - 2004 - Qazaqstan Respublikasy Tötenşe jaǧdailar agenttıgınıŋ töraǧasy qyzmetın atqardy.
Saiasatker 2005 jyldyŋ 12 qaraşasynda öz üiınde denesındegı atylǧan üş oǧymen ölı küiınde tabyldy. Ekı oq keudesıne tigen, bıreuı basyna tigen. Bolǧan oqiǧanyŋ resmi nūsqasy boiynşa öz-özıne qol jūmsaǧan dep tanyldy. Ol Almatydaǧy «Keŋsai» ziratyna jerlengen.
Aita keteiık, Zamanbek Nūrqadılov ömırınıŋ soŋyna qarai oppozisiiada boldy. Qazaqstannyŋ tūŋǧyş prezidentı Nūrsūltan Nazarbaevty aşyq synap, ony "bilıktı zaŋsyz iemdenıp, jemqorlyq jasady" dep aiyptaǧan bolatyn.
Eske salaiyq, keşe Qazaqstan Prezidentı Qasym-Jomart Toqaev Zamanbek Nūrqadılovke tuǧan auylynda eskertkış tūrǧyzuǧa ūiǧarǧanyn habarlaǧan edık.
Ūqsas jaŋalyqtar
