Búgin Qazaq KSR-i men Qazaqstan Respýblıkasynyń memleket jáne qoǵam qaıratkeri, saıasatker Zamanbek Nurqadilovtiń týǵanyna - 80 jyl.
Zamanbek Qalabaıuly 1944 jyly Almaty oblysy, Narynqol aýdanynda ómirge kelgen.
1985 - 1992 - Almaty qalalyq atqarý komıtetiniń tóraǵasy;
1992 - 1994 - Almaty qalasynyń ákimi;
1995 - 1997 - Qazaqstan Respýblıkasy Parlamenti Májilisiniń depýtaty;
1997 - 2001 - Almaty oblysynyń ákimi;
2001 - 2004 - Qazaqstan Respýblıkasy Tótenshe jaǵdaılar agenttiginiń tóraǵasy qyzmetin atqardy.
Saıasatker 2005 jyldyń 12 qarashasynda óz úıinde denesindegi atylǵan úsh oǵymen óli kúıinde tabyldy. Eki oq keýdesine tıgen, bireýi basyna tıgen. Bolǵan oqıǵanyń resmı nusqasy boıynsha óz-ózine qol jumsaǵan dep tanyldy. Ol Almatydaǵy «Keńsaı» zıratyna jerlengen.
Aıta keteıik, Zamanbek Nurqadilov ómiriniń sońyna qaraı oppozıııada boldy. Qazaqstannyń tuńǵysh prezıdenti Nursultan Nazarbaevty ashyq synap, ony "bılikti zańsyz ıemdenip, jemqorlyq jasady" dep aıyptaǵan bolatyn.
Eske salaıyq, keshe Qazaqstan Prezıdenti Qasym-Jomart Toqaev Zamanbek Nurqadilovke týǵan aýylynda eskertkish turǵyzýǵa uıǵarǵanyn habarlaǵan edik.
