عىلىمي ينستيتۋت ديرەكتورى، تاريحشى تاريحي زەرتتەۋلەردىڭ جاندانىپ، ءتۇرلى اڭىزداردان ارىلۋعا سەپتىگىن تيگىزەتىنىن ءمالىم ەتتى، دەپ حابارلايدى "ادىرنا" ءتىلشىسى قازاقپاراتقا سىلتەپ.
جوشى ۇلىسىن زەرتتەۋ عىلىمي ينستيتۋتىنىڭ ديرەكتورى جاقسىلىق ءسابيتوۆتىڭ سوزىنشە، سوڭعى ۋاقىتتا ەلىمىزدە عىلىمدى قارجىلاندىرۋ كولەمى ارتا تۇسكەن. ناتيجەسىندە بىرنەشە جىل بويى ەلىمىزدە عىلىم مەن تاريح سالاسىندا قايتا ورلەۋ بايقالادى.
دەگەنمەن تاريحشى قازىرگى ۋاقىتتاعى پروبلەما عالىمداردىڭ ءبىر-ءبىرى ءۇشىن جازۋىندا ەكەنىن ايتادى. ياعني، ولاردىڭ عىلىمي ەڭبەكتەرىمەن قاراپايىم ازاماتتار تانىس ەمەس. سوندىقتان دا عىلىمي زەرتتەۋلەردىڭ تانىمالدىعىن ارتىراتىن جوبالار وزەكتى بولا تۇسكەن كورىنەدى.
«تۇپتەپ كەلگەندە بىزدە اڭىز وتە كوپ. ولار – جەكە، قانداي دا ءبىر رۋلىق اڭىزدار. قازىرگى ۋاقىتتا مەملەكەت تاريحىمىزدى وزەكتەندىرۋگە تىرىسىپ وتىر. قازاقستاننىڭ اكادەميالىق تاريحىن جاڭادان جازۋ باستالدى. ول ءبىلىمدى وزەكتەندىرىپ، وسى ۋاقىتقا دەيىنگى وقۋلىقتارمەن سالىستىرعاندا جاڭا وقۋلىقتاردى بارىنشا وزەكتى ءارى سەنىمدى قىلا تۇسەدى»، - دەدى جاقسىلىق ءسابيتوۆ.
