شىمكەنت قالاسىنىڭ اكىمى عابيت سىزدىقبەكوۆ پەن مۋراد يۋستەل باستاعان "Aksa Energy" كومپانياسىنىڭ وكىلدەرىمەن كەزدەسىپ، قۋاتتىلىعى 500 مۆت-قا دەيىن ارالاس تسيكلدى گاز زاۋىتىن سالۋ جوباسىن جۇزەگە اسىرۋ تۋرالى مەموراندۋمعا قول قويدى. قوندىرعى قۇرىلىسى بيىل باستالادى.
مەگاپوليس باسشىسى جاڭا جوبانى ەنگىزۋ قالانىڭ ەكولوگيالىق جاعدايىن جاقسارتۋعا وڭ اسەرىن تيگىزىپ، قالا بيۋدجەتىنە قوسىمشا كىرىس اكەلەتىنىن اتاپ ءوتتى.
قۇنى 700 ميلليون اقش دوللارىنا جۋىقتايتىن ينۆەستيتسيالىق جوبانى جۇزەگە اسىرۋ قالا تۇرعىندارىن ساپالى ەلەكتر جانە جىلۋ ەنەرگياسىمەن جانە ىستىق سۋمەن قامتاماسىز ەتۋگە باعىتتالعانىن ەرەكشە اتاپ وتكەن ءجون. قۇرىلىس كەزىندە 1000-نان استام جۇمىس ورنى اشىلادى، ال ىسكە قوسىلعاننان كەيىن 200-دەن استام جەرگىلىكتى تۇرعىن جۇمىسپەن قامتىلادى.
عابيت سىزدىقبەكوۆ تۇرىك كومپانياسىنا قالاعا قىزىعۋشىلىق تانىتىپ، ەنەرگەتيكالىق كەشەننىڭ دامۋىنا تىكەلەي ينۆەستيتسيا سالعانى ءۇشىن العىسىن ءبىلدىردى. سونداي-اق ماڭىزدى سالاداعى بىرلەسكەن جوبانى تەز ارادا جۇزەگە اسىرۋعا جان-جاقتى قولداۋ كورسەتۋگە دايىن ەكەنىن جەتكىزدى.
شىمكەنت قالاسى اكىمىنىڭ ءباسپاسوز قىزمەتى
